أخواني وخواتي
السلام عليكم ورحمة الله وبركاته
خلوني أتكلم بالعاميه أصرف لأني حقيقه آخذ راحتي فيها أكثر وأقدر أعبر فيها بطلاقه
قبل فتره قال لي واحد من الشباب ان فيه منتدى للدواسر وقعدت أدور وأفر
مالقيت ألا منتديات بعض الأسر الدواسر وبعض قبائل الدواسر لكن للقبيله كلها حقيقه
تعبت ومالقيت لين بالأخير صدفه كذا حاولت على قوقل وطلع لي المنتدى يوووووووه
وربي فرحت بالحيل وماصدقت خبر قعدت أتصفح وأقرا فيه بشغف والله يعطي كل
المشاركين من أداره ومشرفين وأعضاء العافيه وربي ماقصرتوا بجد منتدى يشرف
ويبيض الوجه خصوصا أقسام التاريخ والأنساب والشعر بالذات المحاوره كم هي جميله
وممتعه وكم أعجبوني شعرائها وقوة أبياتهم حتى غطت على منتديات قبائل كثيره
وعشان كذا سجلت معاكم وقلت أسلم عليكم وأشكركم وأقوووووول
لكم شدووووووووووووا حيلكم يادواسر كذااااااا وألا بلاااااااش وعساكم على القوه.
وعندي سؤال أذا ممكن ألقى الأجابه عليه ( هل شعراء المحاوره كلهم دواسر )
أو فيه معهم من قبائل أخرى والسلام عليكم .
أخوكم الصغير / نايف محمد السديري البدراني الدوسري