[معلومات العضو عبدالرحمن الذايدي]

السلام عليكم ورحمة الله وبركاته

تحية طيبة لكل الاعضاء وبعد ..

((الشيب زاد))

اليكم هذه القصيده علها ..

ان تخفف او تقلل من تقصيري بحقكم ..

كما اتمنى ان تحوز على رضاكم ..

يا عين هلي الدمع يا عين هليه=هلي على فرقاه دمع المحاجر
هلي دموع الشوق و الحزن ترثيه=ترثي الذي مثله من الناس نادر
يا عين لا تنسين شخصاً فقـدتـيه=شخصاً تعلى مسكنه بالضماير
كـثرت جـروح القـلب و الهم كاسـيه=و الشيب زاد ورمش عيني يناظر
يا مـن تـدل الـموت قـلي ابـتـلـيه=مابي حياتي حظي اليوم عاثر
مـن بعـد مـوته كل هـماً ا خـاويـه=وكل الجروح الموحشه لي تسامر
و لا قـصـيدي عـزتي له مـجافـيـه=نصه جروح و نص هم و خـواطر
يا عيـن حقـك اصـرخي حيل و ارثيه=و اللي يلومك ما صدق بالمشاعر
يقـول كفـي واتركي الهـم و انسـيه=وفي جوف قلبه يشتعل جرح ثاير
يا كيف ابنسى من على الروح ابديه=من بعد موته شان طيب الخواطر
يا خـوي كفه هالـعتب مـا ابالـيـه=ياخوي تدري تعرف اللي مهاجر
مـوته مـصـيبه كارثـه هـم طـاريـه=اكبر من احزان البشر وانت خابر
لو هـي مـدامـع اقضي العـمر ابكيه=ولو هي شجاعة انطح القوم اغامر
و لو هي حبيبه يمكن القلب اسليه=ولو هو عشيراً يخسره قلب صابر
و لو ا لـبـلا فـيني ابنسى طـواريـه=بس الـبـلا كل الـبـلا يالمقابر
من تحضنـيـنه في ترابك وانا اغـليه=اغلى البشر بالروح ينهى ويامر
معـذور قلبي والمـدامـع تـناجـيـه=وش لك بهالدنيا من الشوق ضامر
سـلام يـا دنـيـا بـودع بـواسـيـه=الـقـبر اريـح من جـروح المـخابر