::: مـنتدى قبيلـة الـدواسـر الـرسمي ::: - عرض مشاركة واحدة

**معلومات** **العضو** · 16-10-2006, 07:55 AM

اقتباس:

المشاركة الأصلية كتبت بواسطة جزاء البقمي

السلام عليكم
صباح / مساء الخير
بدون مقدمااات
لك مع التحيه

راسي اللي من هل الموقف يشوش = وفكري اللي قال فـ الابيات عاش
يوم صارت فـ المعاني قلت خوش = ابتدى للناس ترتيب النقاش
شي واضح ما بدا فيه الرتوش = ابتدى بالعقل ماهو بالهواش
العلوم اللي لفتنا فـ الدشوش = خلت العاقل من القصه يداش
طاش وإلا جعل عمره ما يطوش = حقنة الفكر الخبيث وسم طاش
ما ذبحنا غير تصريح الجحوش = وماش من زود الغبينه ماش ماش
النفوس اللي تغيرها القروش = الله انّه لايبارك فـ المعاش
تبت ايدي من ينوش الدين نوش = كيف دين الله من الساقط يناش
كيف يالساقط على العالم تهوش = والله انّه شي يقهر كل جاش
وكيف تخدش عالم الدين بخدوش = يوم بعت الدين من اجل العراش
اللحى زينة هل الوجه البشوش = والنوايا طيبه يا لون شاش
الله اكبر هزت كبار العروش = سببت في عالم الكفر ارتباش
ديننا دونه طوابير الجيوش = ما يزعزع ركنه الثابت خشاش
يالمغفّل بارد الوجه الغدوش = استمع لي زين يا مال الخراش
ما ذكرت الموت والدنيا حروش = تبرد الاطراف من عقب الرعاش
وما ذكرت الحشر والعالم تطوش = صابهم من هول هالمنظر غباش
ليت تذكر من تحوش الناس حوش = كنهم من حولها مثل الفراش
والله انك غير فعلك ما تحوش = ودينك اللي اقترضته صار كاش
قبل لا تطلع حياتك بالفشوش = لا يجي في بالك الدنيا بلاش

للاستماع

للتحميل القصيدة اضغط هنا !!
لكم تحيتي

الشاعر الكبير : جزاء البقمي

ياصباح الورد والطيب يالقرم

الحقيقه نجد في جميع قصيدك مايعالج ويتكلم بإسم كل غيور

وهذا ليس بمستغرب عليك طالت أيامك على العز والطاعة

والدين مستهدف من جميع الأطراف سواءٍ من اليهود أو النصارى الحاقدين أو المنافقين من المسلمين

الذين يتظللون بمظلة الأسلام وهم يدفنون السم ويظمرون الحقد والغل للإسلام والمسلمين

وماطاش طاش إلأ واحداً منهم قبحهم الله

فصح الله لسانك ملايييييييييييييييييين وإعتلا شآنك دنياً وآخره ياعيلم الشعر النزيه

دمت لنا وللمسلمين فخراً وعزاً

تحياتي العطره لمقامك العالي

محب الجميع : دغش البطي