[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

المشاركة الأصلية كتبت بواسطة شوق2

في سماء فكري لعج للشعر بارق=والطروق كثار وأبديهـا بطرقـي
مزنةٍ جت بالمطر والجوْ شـارق=والهوى راكد بعد ماهبْ شرقـي
مرحباً باللي لفا للقلـب طـارق=عدَ ماناحتْ على الأغصانِ ورقي
مرحباً باللي على الزينات فـارق=بالعقلْ والزينِ جابه زودِ فرقـي
سلّمتْ والقلب صابه نارِ حـارق=من عيونٍ سبّبت عوقي وحرقـي
إقلط إقلـط ياعشيـري لاتفـارق=مسكنك عالي تفضل فيه وإرقـي
ياسروقٍ نحشمه عن قول سـارق=سارقٍ عقلي وقلب الروح سرقي
جادلٍ حبه بوسط الجوف خـارق=إخترق جسمي وسار بدمِ عرقـي
عنز ريـمٍ ذيّـره بالحـس دارق=وإستذارت يوم سمعت حس درقي
غايتي من بين لبّـاس العشـارق=غايتي ودواي وجروحي وحرقي
قالها اللي في بحور الحب غارق=غرقةٍ مآأحدٍ غرقها مثل غرقـي
والزمن لو زان جاء عقبه مفارق=والِبنآدم في حياته شبـه طٌرقـي
ذا جوابي يوم جاء للشعر بـارق=وذا كلامي وإعترافاتي بِطرقـي

	الشاعرة الفذة : شوق 2 هلا والله وغلا بكي وبمرورتس يشرفني مرورتس العاطر وتعقيبتس الفاخر وصح أبدانكي ملياراااااااااااااااااااااااااااااااااااااات أشكرتس على الأطراء والمدح اللذي يشرفني ويسعدني وأعتبره شهادة ووسام وأما إعجابتس بما أكتب فلي الشرف في ذلك ويسعدني جداً أختي شوق 2 عبارات الشكر لن توفيكي حقكي من المدح اللذي تستحقسنه فدمتي بخيرٍ وعافيه وحفظكي الله من كل شرٍ ومكروه تقبلي ودي وتقديري وشكري وعرفاني محب الجميع