[معلومات العضو نايف الخييلي]

ناجي ابن كليب ال عمار الدوسري ......من اهالي السيح بالافلاج


رجال مشهوور بالكرم

وصاار عليه دين مع ان عنده نخل وخير لكن كان كرمه وعطاءه لايتوقف

ومع كثره الدين والديانه قرر انه يبيع نخله .......ولكن جماعته جمعوا له من

الحلال ماايوفي دينه واكثر ..

وقال قصيده يعبر فيها مافي خطره ويبين فيها الحقوق الواجبه التي

يمليها عليه طيب وكرمه


يقول ابن كليب :

لشفت راعي الدين فزيت مرتاع = حيث ان راعي الحق مهوب ممنوع
يالله يامن هو لداعيه سماع = واللى دعا غيره فلا هوب مسموع
افرج لمن وجه غدا فيه لماع = من كثر دكات الهواجيس مرموع
يااغرس ياللى بالفضا كنه اقطاع = مثل الجهام اللى على العد مقروع
خمسً قوانينه علينا له اتباع = شرعاً لنا مهوب توه بمبدوع
لمن دخله الجار مهوب يرتاع = وبناه مهوب دون الادنين مرفوع
ماخز بالجدران عن كل طماع = لو كان في برً فلا هوب مطموع
سوره مواصيرً بيد كل صعصاع = ومسلبااتً زادها الدرج بميوع
والثانيه لاجوه هل الهجن خراع = يشكون اهلها لاهب القيض والجوع
نبدي لهم الترحيب مامست القاع =منيب من كنه عن الضيف مقموع
والثالثه نبدي قنا كل مسراع = منيب صعبً مير قدني لها طوع
والرابعه لدن لها السمن منداع = ومرً معه كبشً من الضان مفدوع
والخامسه خصت رفيقً لنا جاع = يلقا بنا في غبر الايام منفوع
ياالي تسوم الغرس منيب بياع = ياامخبلك ياللى تسومه بمقطوع

وسلااامتكم