الشمس تولد يالضيـا فـي محيـاك=وتموت لامن غاب عنهـا شعاعـك!
وشلون تبغانـي اوادعـك وانسـاك=وانت المجرة تختفـي فـي وداعـك
دمع الكواكب خر نجمـات عينـاك=على الوداع المـر تبكـي ضياعـك
الله ياحلـم السمـاوات: مااحـلاك!=احلى من ( احلى) والحلا في طباعك
وجهك قمر..ولثامك الغيـم يغشـاك=يبيـن لا حـرك هـوانـا قنـاعـك
وظلام قاع البحر مجنـون نجـلاك=حوله غيومٍ بيـض تهـوى وساعـك
نحت (احبك موت) في ثلج ذكـراك=وذاب وبقى (موتي) بنـار امتناعـك
والكلمة اللي هزت عروش الافـلاك=اقولها ويفلـت مـن ايـدي متاعـك
قلت: الوداع , وطاحت بخوف يمناك=حقايبـك, ولا دمـوع ارتيـاعـك؟
ابعد من ( بلوتو) على درب مضناك=يا ساحبٍ قلبي على شـوك قاعـك
تصادمـت كـل الكواكـب بفرقـاك=شفت انهيار الكون لحظـة وداعـك
وموج الاسى يمسح اثر فرحة خطاك=اقفيت ولا اقفـى الهنـا بندفاعـك؟
الشاعر الغالي : خالد الودعاني
يامرحبا تراحيب السيل ياخالد
وينك يالقرم فاقدينك لك مدة ماشفناك
على العموم مرحبا بك يالقرم في منتداك وبين أخوانك وبني عمك
والله لايهينك على هذه الكوكبية المميزة
واللتي لم نستغربها من شاعرٍ فذ بحجمك
فصح الله لسانك ملاييييييييييييييييييييين
وتسلم يمينك ملاييييييييييييييييييييييييييين
وتقبل ودي وتقديري
محبك ومحب الجميع