دمع الكواكب:
تحليق خارج الكوكب:
تصادمت كل الكواكب بفرقاك....شفت انهيار الكون لحظة وداعك
الشمس تولد يالضيا في محياك=وتموت لامن غاب عنها شعاعك!
وشلون تبغاني اوادعك وانساك=وانت المجرة تختفي في وداعك
دمع الكواكب خر نجمات عيناك=على الوداع المر تبكي ضياعك
الله ياحلم السماوات: مااحلاك!=احلى من ( احلى) والحلا في طباعك
وجهك قمر..ولثامك الغيم يغشاك=يبين لا حرك هوانا قناعك
وظلام قاع البحر مجنون نجلاك=حوله غيومٍ بيض تهوى وساعك
نحت (احبك موت) في ثلج ذكراك=وذاب وبقى (موتي) بنار امتناعك
والكلمة اللي هزت عروش الافلاك=اقولها ويفلت من ايدي متاعك
قلت: الوداع , وطاحت بخوف يمناك=حقايبك, ولا دموع ارتياعك؟
ابعد من ( بلوتو) على درب مضناك=يا ساحبٍ قلبي على شوك قاعك
تصادمت كل الكواكب بفرقاك=شفت انهيار الكون لحظة وداعك
وموج الاسى يمسح اثر فرحة خطاك=اقفيت ولا اقفى الهنا بندفاعك؟
By:
خالد الدوسري...او...غريب الروح
