[معلومات العضو ابن وتيد السباعي]

المشاركة الأصلية كتبت بواسطة دغش البطي

أعزائي متابعي ومرتادي منتدى قبيلة الدواسر الرسمي
أسعد الله صباحكم بالخير والمسرات وبع أهدي لكم هذه المتواضعة من باب المشاركة
وفي أمل لعل وعسى أن ترقى لأذواقكم العالي هذه القصيدة لها مناسبة وهي كنت قبل مدة مشارك في منتديات أجا والتابعة لشمر ولقد طرحو مسابقة شعرية وطلبو من جميع الشعار المشاركة فيها وحددو البيت الأول للجميع ويجق للمتسابق أن يكتب أي شيء شعري بدون تحديد أي نوع من أنواع الشعر ولكن طلبو الألتزام بالقافية وبالفعل شاركت بهذه القصيدة وحازت على المركز الثاني أترككم مع القصيدة

في سماء فكري لعج للشعر بارق=والطروق كثار وأبديهـا بطرقـي
مزنةٍ جت بالمطر والجوْ شـارق=والهوى راكد بعد ماهبْ شرقـي
مرحباً باللي لفا للقلـب طـارق=عدَ ماناحتْ على الأغصانِ ورقي
مرحباً باللي على الزينات فـارق=بالعقلْ والزينِ جابه زودِ فرقـي
سلّمتْ والقلب صابه نارِ حـارق=من عيونٍ سبّبت عوقي وحرقـي
إقلط إقلـط ياعشيـري لاتفـارق=مسكنك عالي تفضل فيه وإرقـي
ياسروقٍ نحشمه عن قول سـارق=سارقٍ عقلي وقلب الروح سرقي
جادلٍ حبه بوسط الجوف خـارق=إخترق جسمي وسار بدمِ عرقـي
عنز ريـمٍ ذيّـره بالحـس دارق=وإستذارت يوم سمعت حس درقي
غايتي من بين لبّـاس العشـارق=غايتي ودواي وجروحي وحرقي
قالها اللي في بحور الحب غارق=غرقةٍ مآأحدٍ غرقها مثل غرقـي
والزمن لو زان جاء عقبه مفارق=والِبنآدم في حياته شبـه طٌرقـي
ذا جوابي يوم جاء للشعر بـارق=وذا كلامي وإعترافاتي بِطرقـي

وسلامتكم جميعاً
محب الجميع

الشاعر الكبير/ دغش البطي
ارررررررررررررررحب تراحيب المطر
صبحك الله بالنور والسرور على هذه الدرر من عقد لولو منثور
أولاً / اسمح لي بهذا اللقب لمقامك العالي ( شاعر المنتدى ) وأنت شاعر منتدنا ومرجع شعري لنا

ياسروقٍ نحشمه عن قول سـارق=سارقٍ عقلي وقلب الروح سرقي

ابداع في الالفظ الجزله والمعبره بغزاره معايها

جادلٍ حبه بوسط الجوف خـارق=إخترق جسمي وسار بدمِ عرقـي

قوه في الالفاظ وتعبير صادق

عنز ريـمٍ ذيّـره بالحـس دارق=وإستذارت يوم سمعت حس درقي

الشعر كله يستذير بوجود ابو محمد

والزمن لو زان جاء عقبه مفارق=والِبنآدم في حياته شبـه طٌرقـي

بيت الحكمه

ذا جوابي يوم جاء للشعر بـارق=وذا كلامي وإعترافاتي بِطرقـي

وانا اقول صح لسانك مليوووووووووووووون يا ابو محمد على القصيده الروعه والتي مهما نقول فيها لا نوفيها حقها
تستاهل يا ابو محمد المراكز المتقدمه فأنت لها
اسمح لي على التعليق البسيط على هذه الرائعه
لك اجمل وارق تحيه
من اخوك ومغليك/ابن وتيد