[معلومات العضو عديم نجد]

وفاء امرأة عندما خاب الصديق

يا صاحبـي عنـي رحلتـوا وقفيـت=ابلا سبب والله مـا انتـب بمسمـوح
هجرك جرحني بالخطا وانت صديـت=وانا احسب انك راسي ن مثل طحطوح
يا بو فهد يا عزوتـي ليـش زليـت=وانا صويب ن عقبكم بالـي مجـروح
ابكي بدمع ن كـل ماجفـت وونيـت=ونة بأثر ونة عسى ما ني بمفضـوح
وبأبدي على الله علتي مـا تشاكيـت=وانا لكم بابقى ولـو راحـت الـروح
لكن علـى الله صـار لـي ماتمنيـت=خل ن يجيني قبل لا يطلـع الضـوح
يضمني ضمة صغيـرن مـن البيـت=ويسقيني من ريقـه زلال بقرطـوح
ارقب ثريا ن بالسمـا كـل ماجيـت=ارجي مطرها والمطر منـه مرجـوح
باذكر وصوف ن نادره فيه ما ريـت=عينه كما اللى بالشبك تـو مطـروح
وعنق الغزال اللى يرب الخلا الميـت=وبطن ن تعزل مثل ما صافي اللـوح
احتل عرش الزين من دون تصويـت=ولها مكانة عاليـه باوسـط الـروح
فيه البها والزين مع رفعـة الصيـت=انا اشهد انه سابـق ن كـل مملـوح
عليه دمعي كل ماصبحـت وامسيـت=اذكر وصوفه وارفع الصوت مبحـوح
اليا طرالي قمت وصحـت وتعزويـت=عليه جاوبت الحمامـة علـى النـوح

ارجوا من الاخوة بان لا يبخلوا على بنقدهم فانتم لي مصدر الهام
دمتم بعز / عديم نجد