[معلومات العضو محمد البليهي]

بسم الله الرحمن الرحيم

السلام عليكم ورحمة الله وبركاتة


مـن الصعــوبــة بـمكــان أن تكــتــب نـــبــذه عــن شـــاعـــر كـبيـــر وبــــارع ومجـــيــد في بحــــور الشعـــر سطــــر أشعـــاراّ قــويــــة في معــانــيهــا وجزالتهــا وبــاتــت مصـــدر إعــجــاب مــن قبـــــل الشعـــراء المجــيديــن ومــن قبــل متـــذوقــي الشعـــر الرائــــع..


شـــاعـــر ذاع شــعـــره عــلى الألسنـــة لــمــا فيــــه مــن الحــكم والتجـــارب الصـــادقــــة التـــي صــادف مــن خلالهــا الصعــوبــات والتــــــي أكتـســـب منهــا معــرفـــــة طبـــائـــع النفـــوس البشريـــــة ممــا كـــان لــه تـــأثيرا فعــــالاّ في أشعـــاره التي وصــف بالدنــــيا وأحوالهـــــا المتقلبـــة....
شـــاعــر يـــكـــفي أن كــبار الشعـــــراء لقبـــــوه بشـــاعـــر (( الثقليـــن )) لقـــوه شعـــره وصعــوبــتــه وجزالــة معــانيهــا0000
شـــاعــرنــا هــو الملقب بــــ(( بنــك الأحــــزان )) مــحمــد بــن هـــزاع البــــليـــهــي



( مــن هــو الشــاعــر)


هــــــــــو: مــحمــد بــن هــــزاع بــن عبدالعـــزيز بــن مــحمــد بــن مـــانــــع بــن مــحمــد بـن عبدالله بــن مــحــمـد بــن منــصــور بـــن عبــدالعــزيــز بــن كـــديــان بــن شــمــاس بــن عبدالله بــن شــمـاس بــن ســـابق بـــن شــمــاس الودعــانـــــي الدوســـــري...


ولــد في محـــافظــة الشمــاسيـــة بنمطقــة القصيــم عـــام1359هــ وتــرعــرع في الشمــاسيـــة ثــم إنــتــقــل إلـى محــافظــة الأحســـــــاء بدأ في نظم الشعر ايام الصغر واستمر في النظم واطلق على نفسه لقب "بنك الاحزان" وللشاعر قصائد في ابواب الشعر المختلفة "المديح والغزل والوطنية والوصف" انتقل " الى محافظة عنيزة ومازال يسكن فيها.


بعـــض قصـــــائــــــده


1- هــذه قصـــيــدة يبيــن فضـــل جــمــاعــتـــه.

لـي لابـة بيـن النفـود وجبلهـا=يا عل تسقيهـم حقـوق المخاييـل
مدلهيـن النفـس لا جـا زعلهـا =ما مثلهم ربعي ارجال بها الجيـل
مالوم عيني لوبكـت فقـد اهلهـا =تبكي هل المعروف ذباحة الحيـل
والله مـا نلقـى ارجـال بدلـهـا=لا شك نفسـي اتزولـي تزاويـل
ومن عقبهم نفسي لحقهـا زملهـا= أمشي ودايم كني في دجـا الليـل
احمولهم مـا كـلْ رجـل حملهـا=مثل الجمال اللي تراكى على الشيل
رحنا وضعنا بالديـر مـع هملهـا = نمشي وكنا من احسـاب المهابيـل

2- قصيــدة بمنـاسبــة مرور مئة عام على استرداد الرياض:

أجيـب بيـت تذبـه كـل سماعـه=واكتب ابيوت القصيدة ثـم أوزعهـا
عبد العزيز الملـك يابعـد مرماعـه= عقبان نجد اخضعت له يوم طوعهـا
راحت طقايق جموع القوم في ساعه =يوم اعتزى واتوى بالسيـف روعهـا
أولاد وايل علـى اللقـوات بتاعـه =كم دولـة فرقوهـا عـن طمايعهـا
كم فارس لالتقى به كثرت أوجاعـة=والقـوم لا شافتـه تذهـل قلايعهـا
ياما تعشـى شجـاع يفتـل أشنابـه=خلا شيوخ العرب تسمـع سمايعهـا
يقلط على سربـة للمـوت قطاعـه=لما تعاهـد وتخضـع لـه نزايعهـا
من قو باسه وبعد الفكـر واسناعـه=خلى القبايـل توالـف ليـن جمعهـا
ما يبلـع المخطيـه لوجـوه مناعـه=لمـا اتلقـي علابيهـا خوارعـهـا
هو موحد الدين للإسـلام والطاعـه=شيخ مشـت قوتـه تدفـع دوافعهـا
العزشربه وحـاش العـز بذراعـه=ونفسه عن الهازله بالطيـب رافعهـا
يشهد له الابرق اللـي سايـل قاعـه=دم حمر والرمك واسـت مرافقهـا
هو مشبع الحايم اللي حدر اسباعـه=وشهب الضواري تعشت عن جوايعها

3- الفقر في بيتي

يا بو فهد يا شوق مدقوق الالعـاس=الفقر في بيتي غـدا تقـل عريـس
وغديت أنا والفقر حبـر بقرطـاس =وحظي كسيف ولابسٍ له هراديـس
ويقطعك يا حظ خبيـث بالاجنـاس=دايم يلمسني على الـرزق تلميـس
ماله بعايد حروتـه عايـر السـاس =ولاله دروبٍ مع بعيـد المراميـس
وعز الله إني بالرجا طـاوٍ اليـاس =والرزق من دونـه يبطـن دبابيـس
واسهر على نجرٍ ودله ومحمـاس =مـا بهـرت بالملعقـة بالمقاييـس
ويرزقني اللي محصيٍ خلق الانفاس =ورزقه على خلقه كثير بـلا قيـس
واسواريٍ من صنع شرابة الكـاس=الكيفـران اللـي تحـط الكبابيـس
لا قيٍ بها في حزة الضيق نومـاس =ووقدبهـا وإن ترسـوا بالمتاريـس
وافزع لنا يا صاحي الفكر والراس=وحلال صعبات الامـور اللواليـس

4- نبي سلوك الحال :

يا حظ ما تجزع ولا بـك نهـارة = ما تفتكر يا شين باحظوظ الاجواد
ما بيك تكسب لي ولا ابي تجارة=نبي سلوك الحال ما نبغـي أزواد
وللفقر صرت مراسليّ الـوزارة=حطك وكيل تكشح الرزق رصاد
وصلت أنا واياك حتـى الامـارة=الناس في راحة وانا طحت بجهاد
ومالي الا أجلبك واقلـع ديـار =همالي الا ألفيـك لديـار الاكـراد
واشرط على الشاري ثمانين شارة = وجوّده باصكوك وارسوم واسناد
أخاف لا بعتـه وطفيـت نـارة= هواجر عليك امشوهٍ يحفي الانشاد
ينكّسـك يمـي يـاردي العبـارة=وانا معيفٍ منك يوم اقلعك غـاد
ومن سبتك ذقت الغثا والمـرارة =ولا كن في صدري مصدر ووراد
بغيت منك الربح واثرك خسـارة= نعالجك بالستر والستر مـا فـاد
واثرك خنـوٍ ضـاريٍ بالنكـارة =ويزرى عليك من العرب كل نقاد

5- وله في وصف تقدم السن:

يوم ان رجلي تاصل الحيد عديت=واليوم رجلي ماتطول الطويلة
الجهد ينقص والجهد راح وازريت=وامر من الله مالنا فيه حيلة
تروح ماكنك بالايام مريت=وتنسى ليا ركزت عليك النصيلة
وتفارق الفلة وصبغ الجرانيت=ويصير صبغك من اتراب النثيلة
في مظلم مابه امكيف ولا ليت=سبع اذرع من خام تبقى حصيله

هـــذه نبـــذه ميسرة عــن الشــاعــر الكبير محمد الهزاع البليهي وبعضاّ من قصـــائــده وإن شــاء الله في القــادم القريب سيكون هنــاك مقــاطع صوتيـــة للشــاعــر يلقي فيهــا قصــــائــد جميلة00000وعذراَ للتقصير