كل البشر تركع وتسجد وتخشاه=من شان يوم الحشر عبدك ينالا
بحبك قافي حبك واسوق معناه=للي عشق درب الهواء وظلالا
يامخبل الي فالردى دوم تلقاه=تلقاه في دربك يمين وشمالا
خل الردي حتيش تضحك ثناياه=ولايخدعك ضحكه وصوته يلالا
القلب خافي والبلاء في نواياه=لوتنكشف نيته صابك خبالا
الدنياماتسوى ترى كل هذاه=الدنيا تبغى حلم وصبر وعدالا
رافق الصديق العز والطيب مبداه=ماهوب راعي حكي ولاجهالا
يحفظ علومك مثل بيرن مغطاه=ماباح سده مثل عال الجبالا
في شدتك تلقى خويك وتنخاه= لاكشرت دنياك والوقت مالا
الصاحب الي ينعش القلب طرياه= في هالزمن صعبه ويمكن محالا
الرابح الي فاز فالطيب ممشاه=وليا هرج يظهر مفيد المقالا
ولياهرج في هرجة بعد مغزاه=ماهوب هذارن يحب الخمالا
والرجل نوماسه وعزه بيمناه=يذكر بطيبه كل ماجاء مجالا
في دنيتك مكل شيء تمناه= ترى الاماني ماتجي بسهالا
والطيب ليا مات ياناس برثاه=لوكان ماعنده جنيه وريالا
الله يبيحه مات ياكيف بنساه=وشلون ماابكي قرم ماله عيالا
في ذمتي ياناس مايمكن اسلاه=في طول هالدنيا وطول ليالا
وهاذي نهايه علمنا اقصاه وادناه=والعلم مايسمعه كود رجالا
وصلوا على محمد عدد مانثر ماه=الشافع المرسول راع رسالا