[معلومات العضو فهد الغريري]

ياللي تلوم القـب مايلحقـه لـوم=هذي ثلاث اسنين والهـم موجـود
حملتني ذنـب وانـا فيـه مظلـوم=وعندي على قولي مظامين واشهود
كني غرير عن حلا الديد مفطـوم=يبكي ليا من ناشته شوكـة العـود
والظاهر إني من محبتـك باشـوم=من يوم وصلت كلها درب مسـدود
تحدنـي للجـال والسيـف مثلـوم=ماتدري ان الدين يازيـن مـردود
ياليتها جتني من اعـداي والقـوم=إني لشب النـار شعلـه وبـارود
لكن جتني منك والقصـد مفهـوم=ماتدري إنـي تـارك كـل منقـود
وهذي طبايع بنت حوا على الـدوم=مخلوقة من ضلع اعوج من العـود
لابـد ماقـوي اعزومـي وباقـوم=لاعلها كبـوة احصـان ولاعـود
الرجل لاطـب البحـرلازم ايعـوم=ويصبر ولو اخوه فالقبـر ملحـود
دنيا تصحينا كذا من حـلا النـوم=ناخذ ادروس من عنا ايامنا السود

وعليكم السلام ورحمة الله وبركاته

الاخ العزيز والشاعر الكريم ابو فـهـد " وقيان الصخابره "

اررررحب ترحيبةٍ من الخليج الى المحيط والله اني صادق

ان كانك بطول علينا ويجبلنا الجزل من القصيد فتراك مسموح يابوفـهـد

دايم تتحفنا بما هوا فريد وجميل يابوفـهـد

مانقول الي الله يهنيك في عمرك وينسى في حياتك على طاعته.

وصح الله السانك وعتلا شانك وزادك الله من زوايد فضله التي لا تنقضي.

واسأل الله ان يرفع شانه ويعلي مقامه على العز والطاعه..

ابو فـهـد ننتظر جديدك المميز..

وتقبل مني فائق التقدير والاحترام في مقامك العالي

اخوك / فـهـد الـغـريـري,,,,,,,