هب البراد وذكـر القلـب بونـاس=يوم اننا فـوق الجيـوب الجـدادي
وبدا يتغمش داخل القلـب هوجـاس=ودلا يتصور لي اخبـوت وحمـادي
واصبحت مثل اللي غدا عند حبـاس=ولا اسوات اللـي برجلـه اقيـادي
حب الخلاء يشبه هواء سود الالعاس=عندي وهذا العشق شئ ن وكـادي
الله على اللي يطـوي البعـد لا داس=اليا انطلق يقبـل و ياخـذ ازيـادي
اربع مديله بعـد الالفيـن قرطـاس=كامـل مكمـل للخـلاء والعتـادي
جيب ن تحدى بالرهاء حمر الاطعاس=قاهر طويـلات النقـاء والسنـادي
ومقطبن حوضه على كـل نومـاس=وكل الـذي نبغيـه ناخـذ ازيـادي
ونمشي على الله محيي الروح بنفاس=بين الدخـول وبيـن لينـه مـرادي
هذا هواي وغايت والكيف والـراس=يوم ان بعض الناس يغشى النـوادي
وصلاة ربي عد مـا طـار قرنـاس=وعداد مـا دنـق محمـر الثنـادي
على نبي ن وضـح الحـق للنـاس=محمـد الهـادي لـدرب الرشـادي
الشاعر : أبو عمر اللاحم
لله درك على مانسجت لنا في هذه الدرة الجميلة
وعسى الله يجيب السيل وتزين أجواء البراري
وتزين الطلعات مع المطاليق
صح الله لسانك وإعتلا شآنك
تقبل ودي وتقديري
ولاتحرمنا من جديدك
محب الجميع