حنا بدو بس الحضاره خذتنـا=وماتلغي الايام اصل البـداوه
ترى البداوه باالمراجل سقتنـا=عادات وسلوم القبايل نشـاوه
اما الحضاره يا عرب علمتنـا=كل العلوم الطيبه فـي نقـاوه
نبني جسور العز في مملكتنـا=بدو وحضر في كل منا نخـاوه
حكومة ال سعود هي جمعتنـا=بعدالجهل والظلم بعدالعـداوه
بحكم الشريعه والعدل شرفتنا=الشعب واحد بالحقوق انتساوه
سياسة الكنق الحكيم امنحتنـا=الامن والعيش الرغيد بهنـاوه
دون الوطن حنا رجال وثبتنـا=في وجه كل الطامعين بضراوه