 |
|
 |
|
|
|
|
|
بسم الله الرحمن الرحيم
اخواني الإعزاء اعرض عليكم هذه القصيده العذبه للشاعر:عبدالله بن حمود الباهلي
متمنيه ان تنال اعجابكم واستحسانكم0 وان اكون وفقت في الاختيار0 |
|
 |
|
 |
|
|
|
|
|
يالله ياللي تسجد الناس لرضاه=ياوامر(ن)خلقه على حج بيته
تفرج المن سده على الناس ماابداه=راضي على مقسومك اللي عطيته
من شي(ن)يسل الحال والجسم يبراه=والناس مايشفون ان ماشفيته
قلت اه واجرحاه من خلتي اه=وان حملوني حمل غي(ن)قويته
قالو سفا بالحال ويش اللي اغواه=قلت اه ويش المنكر اللي وطيته
قالو جهلت وبان علمك المنهاه=قلت اه علمي ياملا ماكميته
قالو طلبنا لك من الله معافاه=قلت اه وحدته وعفوه رجيته
قالو هله واحباب عينه نصحناه=قلت اه هذا وارد(ن)ما بغيته
قالو ندور لك من البيض حلياه=قلت اه لو غيره بكفي رميته
قالو نشاش العود ما لك بلاماه=قلت اه عود الموز بيدي لويته
قالو تزوج كود تدله وتنساه=قلت اه لو خذت اربع(ن)مانسيته
قالو من اقصى الناس وين انت وياه=قلت اه مانسى يوم جاني وجيته
قالو عليل(ن)ناقل(ن)داه برداه=قلت اه باقرابي وروحي فديته
قالو نشير ولا نفع ماحكيناه=قلت اه هراج النمايم عصيته
قالو كثر شيبك وقلبك بعمياه=قلت اه لو قلبي غرير(ن)نهيته
ومطاوع(ن)قلبي بعجفاه وقداه=والى عطى منهاج درب عطيته
ياناس خلوا كل وادي(ن)ومجراه=قلتو كثير وقولكم ما لقيته0
وسلامتـــــــــكــــــــــــــــم