::: مـنتدى قبيلـة الـدواسـر الـرسمي ::: - عرض مشاركة واحدة

**معلومات** **العضو** · 28-03-2006, 02:04 PM

اقتباس:

المشاركة الأصلية كتبت بواسطة راشد النتيفات

ذكرت الكلام اللي عيوني تشوفـه شـوف = كأنك قريـت إحسـاس فكـري وماخفَـاه
كلامك جعل من فوق كل النقاط إحـروف = كلام الخبيـر اللـي رسـم للهدف معنـاه
رسمته وبيَنت الهدف واضـحٍ مكشـوف = عسى يستفيـد المستمـع لابغـى يقـراه
بكلامٍ صحيحٍ يُفـرح الخاطـر المكسـوف = ويُعالج مواضيـعٍ كثيـر العـرب خـلاَه
وأنا حاضرٍ فـي ماتبـي مابهـا تكلـوف = تقـدَم وأنـا ويَـاك والـدرب مانخفـاه

ماشاء الله ,, ماشاء الله

الشاعر الأديب دغش البطي

صح الله لسانك على القصيدة الوافية

وعز الله إنك رديت فكفيت ووفيت جعلك تحيا

ويعلم الله إن هذا الشعر الذي نريد أن نصل إليه

شعر يلامس الواقع , وشعراء يناقشون ويعالجون

بالتالي نخرج بتحفة فريدة من الأدب الشعري

نحن في انتظار شعراء هذا الصرح لتطبيقها واقعاً ملموس

أكرر لك الشكر يا بو محمد على الجهود المبذوله

تقبل تحيات أخوك / راشد النتيفات

الأخ العزيز الغالي : راشد النتيفات

يامرحبا والله ومسهلا ياابو قينان

مرورك ومتابعتك وتعقيباتك الرائعه تشرفني وتسعدني لاعدمتك يالقرم

لاهنت وبيض الله وجهك وأشكرك جزيل الشكر على التعقيب الرائع

وإن كان هذا التعقيب ليس بمستغرب عليك ولامنهم شرواك يالقرم

فعسى ربي مايحرمني منك ولامن المطاليق شرواك

وصح الله أبدانك وإعتلا شآننا وشآنك دنياً وآخره

تقبل ودي وتقديري

محب الجميع

دغش البطي