هذه القصيد قلتها مجاراه للقصيدة الاخت شوق التي عرضتها لمفتون القصائد
الله على قاف(ن) من العيب مصيون = مثايل(ن) جور الزمان احتواها
دكتورها من غبن الايام مطعون= ونفسه زمان الغدر بيح خفاها
وأعلن معاناته عسى الناس يوحون=وفي درب مفتون القصايد رماها
واللي كسر نفسي وهيض بي اشجون=اسم الكريمه شوق في منتهاها
وبدعت قاف(ن) ماخضع تحت قانون= من غيرة(ن) في النفس يحرق لضاها
ولانيب في مفتون الامثال مقرون=اكبر من الفتنه ومن مستواها
اكبر من المفتون هايم و مجنون=وانا مجننها وروس اومراها
وشلون تشكي شوق من الغبن وشلون= ماتنغبن شوقِ(ن) وحنا وراها
حنا الذي بالفعل للقول يوفون= قوم(ن) نها الهوش ترهب عداها
وفينا الرجال من الرجال يتذرون= وشلون عاد اخت(ن) كبير(ن) غلاها
ياشوق وشهو مطلبك مثلك يمون= اخت النشاما ما لها إلا رضاها
والفضل للي له عباده يصلون= اللي بسط سبع(ن) وسبع(ن) بناها
الشاعر| عبدالله مرضي الودعاني