21-03-2006, 08:05 AM
|
#3
|
 إحصائية
العضو |
|
|
|
اقتباس:
|
المشاركة الأصلية كتبت بواسطة عبدالله بن مرضي الجماعين
هذه القصيده المتواضعه مهداه للمنتدى بشكل عام وللأخ الفاضل :دغش البطي بشكل خاص أمل ان تنال اعجاب الجميع فهو هدفها
ياسلام الله عدد همال غيمه=من القنوف المردفه لا هملنا
وعد ماجا للرعد حس ورزيمه=في مزون الصيف لامن روحنا
مايقدم كون للرجال حشيمه=مثلك وشرواك يازبن المجنا
يادغش ياراعي اليمنا الكريمه=طيب وطيبك على ساسك تبنا
بالوصوف اللي حلاياها عديمه = قبل شوفك ذكرك الطيب وصلنا
طيب ساس وطيب راس وطيب شيمه=يجذبك طيب النسب منا ومنا
ياسند جيش القصيد ويازعيمه=عوصها لا سمعت إسمك درهمنا
وإقنعت بالإنقياد وبالهزيمه=ومن سمع طاروقها شاقه وغنا
جاك مني جملة ابيوت حكيمه=والنديب اللي خذاها ماتونا
ودنا تصبح صداقتنا حميمه=وآتعنا يمك ويمي تعنا
النظر للجود والنيه سليمه= ولا بقا إلا في مشاهدك إنتهنا
وودنا ان في المنتدى للربع خيمه=مجلس(ن) لهل المراجل فيه فنا
كل منعور يجيه بلا عزيمه= وإنتونس فيه لامنا زعلنا
مجمع(ن) للعز جعل الله يديمه= لا شهر بالطيب ناموسه شملنا
ونمنعه من راعي الكبد السقيمه=راعي انتوا فيكم وحنا وحنا
وهقه بالمدح شرواه وحريمه=وجد جد(ن) غثنا به وإمتحنا
مادرى انه ينظر بعين الهضيمه=الله يقلع داره ويبعده عنا
كنه بنت الشيخ لا صارت عقيمه= لو تجر الميل بالكحل وتحنا
ولو مزياها جميلات ووسيمه=واخت من ملحق هزلها لادبرنا
ولو تقلد بنت بولند(ن) حليمه=بالتغنج والتدلع ما انفتنا
دامها ماتنجب الولد الصتيمه=السند لامن الاريا عسمنا
ماورى مهدافها فود وغنيمه=ولو زواج الرجل يبطي ماتسنا
ماغزاها كون رجال بهيمه=منه زينات الغنادير إطمحنا
وأدري إن في حقها بعض الظليمه=لكن إنها حكمة الله وسلم أهلنا
وما يصير لمدح طيب الجد قيمه= كون من رجل(ن) تعب لين استونا
بيض الافعال الجديده والقديمه=ولبس تاج المدح ما للناس منا
والتحية يابيض الوجه الختيمه=والعذر منك على التقصير منا
الشاعر | عبدالله بن مرضي الودعاني |
الهرم الشعري الكبير : عبدالله بن مرضي الودعاني
أررررررررررررحب من باب الجنوب إلى باب الشمال
ومن باب الشرق إلى باب الغرب
ومن اليوم إلى يوم القيامه
الله الله الله ياابو طلال على هذه الشامخه
ويش خليت لنا نفداك حتى نجاريك
لقد أتعبت من خلفك جداً
فهنا بحرٍ متلاطم يبرز الدرر والنوادر
الحقيقه قصيدة شامخه بشموخ شاعرها
وإن كانت ليست بغريبة عليه فهو أهلاً للجزاله والأبداع
صح الله لسانك مليار × مليار ولاتكفيك ياشبل الأحرار
قصيدة تظل تاج على الراس ماحييت جعل من أرثك في الجنة
تقبل الود والتقدير والشكر والعرفان
محبك ومحب الجميع : دغش البطي
| التوقيع |
|
|
|
|
|
|