::: مـنتدى قبيلـة الـدواسـر الـرسمي ::: - ياشوق وش لش بالوشا والوشاويش .. وشلون ما يعجبش ياشوق وشواش (شائية)

- :: قسم قصــه و قـصيــده :: (http://alduwaser.org/vb/forumdisplay.php?f=19)

ياشوق وش لش بالوشا والوشاويش .. وشلون ما يعجبش ياشوق وشواش (شائية)

السلام عليكم
مساكم الله بالخير جميع
.. هذي قصيدة كتبتها الشاعر/ناصر الحريصي العجمي ونشرتها في إحدى المواقع ..
وقد طلب مني أحد الأخوة الأعزاء بأن أنشرها مجددا .. فلبيت طلبه .. وهي فرصة
لأعرضها على أذواقكم الراقية
ومناسبة القصيده كان هناك عجمي يتحدث في شات دردشة
وكانت إحدى البنات تتهكم
عليه وعلى لهجته العجميه ..( الوشوشه ) .. !! واللي يطبلون لها واجد .. الله يفرقهم ..
فقال الشاعر هذه القصيدة وهي (شائية أو شينية) ، وأتمنى أن تنال إعجابكم ..
يقول الشاعر :

شاش الحشا والجاش واشتشت باشيش=ياويش يدفش شوشة الجاش لاشـاش
واشتقت شوق الطيش لمعاشق الطيش=ماناش مـن ناشـه شبابـه ولاطـاش
شفت الغشامـا ينشـدون الدراويـش=درويش والدرويش لاشـن بلـش لاش
واشوف الأشقر للعشا ينفـش الريـش=شاقه خروشن مشيها بـه تخشخـاش
ياشوق وش لش بالوشا والوشاويـش=وشلون مايعجبش ياشـوق وشـواش
ياشوق شنتي والغشـا فـي مخابيـش=شانش وهانش نابشـش ثـم خـلاش
غرش وجرش واضحكش وانتهش فيش=عشـا حشـوده والهوايـش تعشـاش
ماتنعش بشين التوشـوش مشاهيـش=شلتي بقلبش واشتكيتـي علـى فـاش
شوحي شوي أجيش توش واحاكيـش=واعلمـش عـن شاننـا واتحاشـاش
شرع النشامـا شرعنـا والمداغيـش=ومشي الحشاما مشينـا مامشـا مـاش
شخنـا وللشيخـة شهـود ومناويـش=شينا ولاشرنـا بهـا شـور غشـاش
شيخة شيوخن ما شـرت بالبخاشيـش=ولاهشهشتها هشهشـت كـل هشـاش
ولاخاشرونا فـي الشكالـه خواشيـش=ولاعطشونا والمشـارب لنـا ابـلاش
واليـا شربنـا ماشكينـا معاطـيـش=نشرب شجاعه والشجاعه لها عطـاش
نبطـش ونكشـف للشدايـد زكاريـش=نشرف على شهق المشارف والاوحاش
واليا مشينا مشْينـا شـوش الجيـش=ممشى جيوش هشام لاشـاش هـواش
نشهر ولاننشـد حشـود الحواشيـش=لاشهرت شطـر الشقايـق والانمـاش
عشق المشوك والفشـق والخراطيـش=وشغف المشتت للبشر وأشهب الشاش
نشنا مناشـن وانتشـا ماحشـا نيـش=وحشنا محاشن ماحشـا فيـه حـواش
شعتي خفاش ولا ضفتـش الدشاديـش=وحكاش ماسـرش وشانـت حلايـاش
واليا نشدتـي ليـش ماقلتلـش ليـش=شفتي بعينـش واذبحنـش سوايـاش
وكانش عشقتي عشق والشوق طاويش=لا تعشقيـن إلا شبيهـش وشـرواش
وياشوق وشقومش وياويـش باليـش=وشفيش طشتي للمشاريد وش جـاش
ألا وش اللي شاشني شـان ألاغيـش=وأنا اشهد ان شاني وصلش وتعـداش

وسلامتكم
وتقبلوا مني أجمل التحايا