أشوف ديَّاني وَقَّفْ على البابْ =يبي الوفا مني ويطلب حسابهْ
يا فيصل اودعك توديع الأحبابْ= لا تحتري أنه يجي من غيابهْ
غيبة دهر ما هي شهر عَدّ وحسابْ= في مَظْلم ينهال فوقي ترابهْ
أَبيكْ ما تجزع وتفزعْ وترتابْ= إن جاك من ينعى ويشلع ثيابهْ
عمر البكا ما فاد حي ولا ثابْ =لو سر غيرك كان سرّ الندابهْ
اعزم وشَم واصعدْ من المجد مرقابْ =واطلبْ لابوك انَّه يخفَّف عذابهْ
وعليك باخوانك وربعك والاقرابْ =حقي عليك مَواصَلكْ للقرابه
ومن بينكم لا ينقل الهرج سبّابْ =ترِى دمار الدار نقْل السبابهْ
ومن الرِّجَال الى تخيَّرتَ الاصحاب =تخيّر اللِّي ما يغيّر جوابَهْ
مَغلاقْ باب الشر حلاَّل الانشابْ =زبن الدخيل الى انقضى جنابهْ
وابعد عن الدوني ولو مرة طاب =لزوم يظهر لك مرار عيابهْ
وانصى الرِّجَال الى تخيّرتَ الانسابْ =كلّ يعوّض به كود النسابهْ
وانشد عن المرْبى ترى العرق جذابْ =عرق الردى لا بد يجذب جذابهْ

المشاركة الأصلية كتبت بواسطة يحيى الودعاني تسلم يمناك أخوي بدران والله يرحم الشيخ سليمان التركي السديري

المشاركة الأصلية كتبت بواسطة الخيلاء الدواسر ماقصرت ونتظر جديدك