|
ترى خوةالطيب زباد ورياحيني
هذي مساجله بيني وبين الشاعر عبيد ابن عجب المقموص الغييثي الدوسري والبادي عبيد ولا احفظ من قصيدته الا ثلاث ابيات والقصيده لها قصه في الخوه يقول عبيد
انا راحتي من راحت اللي يخاويني=ونفسه على نفسي لزوماً ابديها ترى الطيب يشرى حاضراً ماشري ديني=واناعاشقاً فعل المراجل وهاويها ترى المرجله سندى تكود الردييني=وعقب صبياً في شبابه يخليها هذا اللي انا احفظ من قصيدة ابو عجب ردي عليه
ترى خوةالطيب زباد ورياحيني=وشرواك تشرى خوته وافتخر فيها وانا اشتاق ل الطيب وذكره يسليني=والى من بداله حاجتاً عندي اقضيها تجملت يالمقموص والطيب قانيني=عملت العلوم الغانمه وانت راعيها عشير النشاما شوق سيد المزاييني=عريباً نباها بالردى ماحكي فيها على الطيب صامل ساعة العسر والليني=الى عودت فعل الجمايل لهاليها مجرب وربعك لابتاً تنزع الديني=الى من وقف بياعها عند شاريها تضد الحريب وتوفي الصاع صاعيني=الى طار من بيض العذارى غطاويها بهم يفرح الصاحب وسقم المعاديني=ويثنون عند اللي تحفت سماريها وماقل دل وماذكرته نياشيني=من فعول ربعاَ وافياتً هقاويها ولو بمدح الطيب مليت الدواويني=ولا سانعت شرد القوافي لباغيها ولا يوفي الطيب من المدح بيتيني=ولو زدت في مدح المناعير موفيها الى قلت بانهيها صداها يناديني=تماديت في عد الجمايل ولا انهيها تشيب القوافي والجمايل ملاييني=ولانيب محصيها ولا رايح احصيها وانا عارفك ياعبيد والطيب قانيني=عملت العلوم الغانمه وانت راعيها |
رد: ترى خوةالطيب زباد ورياحيني
أرحب يالشامخ مليون × مليون ولايكفون يالله حيه وحي ماجاب أبو نواف علومك كلها طيبه لاعدمناك وأنت وأبو عجب علومكم طيبه وخوتكم بالطيب ماهي بغريبة فصح الله السنتكم جميعاً وبيض الله وجيهكم على هذه الروائع الجزله التي ليست بغريبة عليكم فأنتم أهلاً للطيب وتفعلونه وتقدرونه الله لايحرمنا تواجدك يالقرم ولاتحرمنا من الروائع اللتي تتملكها تقبل تحياتي العطره وأعذرني على إعادة تنسيق القصائد محب الجميع : دغش البطي |
رد: ترى خوةالطيب زباد ورياحيني
دغش البطي
لك كل الشكر والتقدير على التنسيق واشاده اعتز فيها من شاعر عملاق والله يعطيك العافيه يابو محمد وتستاهلون المدح على علومكم الطيبه |
رد: ترى خوةالطيب زباد ورياحيني
مشكور اخوي والله يعطيك العافية
|
رد: ترى خوةالطيب زباد ورياحيني
الشاعر الكبير : الشامخ اررررحب ثم ارررررحب عد نبت الربيع صح الله السانك وعتلا شانك وزادك الله من زوايد فضله مساجله راااااااااااااااااااااااااائعه يابو نواف جعلك تحيى وصح الله السان الشاعر عبيد ابن عجب المقموص الغييثي لاهنت ولا هان منطوقكم يلمناعير جعلكم المعزه وتقبل تقديري واحترامي اخوك /فهد الغريري |
رد: ترى خوةالطيب زباد ورياحيني
صح السانك يالشامخ على هذي المساجله مع الشاعر ابن عجب
|
رد: ترى خوةالطيب زباد ورياحيني
اقتباس:
اخوي رعاد الله يعافيك لاشكر على واجب |
رد: ترى خوةالطيب زباد ورياحيني
اقتباس:
استاذي فهد يكفي هالقصيده فخر واعتزاز مرورك عليها ولاشاده بها ويكفيني انا فخر واعتزاز متابعتك لما اكتب صح بدنك ولاهنت يالغالي مع تحيات اخوك الشامخ |
رد: ترى خوةالطيب زباد ورياحيني
الشامخ اهلاً بك شاعراً فذاً شامخاً في منتدى ابناء عمومتك وصح الله لسانك ولسان الشاعر عبيد ابن عجب على هذه المساجلة الرااائعة ومن الظلم حجبان يكون شاعر بحجم شاعريتك خلف اسم مستعار .. فبودنا ان تكون باسمك الصريح افضل .. وننتظر جديدك بفارغ الصبر .. تقبل تحياتي .. اخوك في الله محمد الغريري |
رد: ترى خوةالطيب زباد ورياحيني
اقتباس:
اولاً اقول مرحباً بك تراحيب المطر ثانياً يكفي هالقصيده فخر مرورك عليها ولو مرور الكرام ثالاثاً يكفيني انا فخر واعتزاز متابعتك لما اكتب والاشاده منك وسام شرف على صدري رابعاً الشامخ صحيح انه مستعار لكن والله ما سجلت به خوفاً من النقد فوالله اني احب الشاعر الذي ينتقد قصيدي اكثر من اللي يمدحه لكن الاسم هذا له قصة طويلةً عريضة هذا الاسم اساسً اسم ولدي وبعد ما جات الاجهزه سميت نداي (الشامخ) وصدقني بالله ان اقرب الناس لي مثل خواني وربعي ما يدعيني الا الشامخ الى يومك هذا اضف الى ذالك اني اكتب به في جميع المنتديات وصدقني ان اكثر الناس نسو اسمي الحقيقي واسئل دغش البطي ويعطيك العلم الوكاد اما اسمي الحقيقي ما اخفيه خوفً من النقد وااااسف على طول الكلام اخوك ومحبك في الله مساعد الصمهود الغييثي الدوسري (الشامخ لين اموت ) |
رد: ترى خوةالطيب زباد ورياحيني
مساعد الصمهود الغييثي الدوسري ونعم ونعم يا ترثة غياث ابن زايد ارحبوا تراحيب المطر ولقد كان عندي احساس كبير انك من الغياثات لقد اوزدان المنتدى بحضورك وحضور النشاما شرواك فلا تحرمنا جديدك الرااائع وتواصلك الدائم .. تقبل تحياتي .. اخوك في الله محمد الغريري |
رد: ترى خوةالطيب زباد ورياحيني
[align=center]
[size=5][frame="1 80"]
[align=center][color=#CC3300][size=5][ft=Arial]
أخي وإبن عمي الحبيب الغالي
شامخ وأنت صدق شامخ بقصايدك إلي تجيبها
وعلومك الطيبه إلي دوم تقدمها
أحسنت وبارك الله فيك على هذا الجهد الطيب
والمشاركة الرائعه نتمنى منك الإستمرار بإفادتنا
بهذه المواضيع الشيقه
[/color][/align]
[/frame][/size] [/align] [/size][/font] |
رد: ترى خوةالطيب زباد ورياحيني
صح السانك ملايين على هالقصيد الجزل ولسان الشاعر ابوعجب ايضا والله انه كلا يشرح الصدر عساك على القوه دائمآ والسلام
|
رد: ترى خوةالطيب زباد ورياحيني
صح السانك يالشامخ القصيده الرديه مع الشاعر ابن عجب
وصح السانه عشير النشاما شوق سيـد المزايينـي عريباً نباهـا بالـردى ماحكـي فيهـا على الطيب صامل ساعة العسر والليني الى عـودت فعـل الجمايـل لهاليهـا اخوكــــــــــــــــم/ قهيــدان |
رد: ترى خوةالطيب زباد ورياحيني
أخوي مساعد الصمهود الغييثي الدوسري
ونعم والله ومرحبا والله ومسهلا بك في منتداك ومحلك وصح الله لسانك على القصيدة الجزلة ولا تحرمنا من جديدك أخوك ابو سعود |
الساعة الآن 12:07 PM
 |
Powered by vBulletin® Copyright ©2000 - 2025, Jelsoft Enterprises Ltd.
---