تقافى نصيف الليل وانكفت الأزوال = وغفت كل عين مالها ف السهر رادة
وتبقى عيون مغربلين البشر ماتزال= تزاول سهرها كل لليل(ن) على العادة
اما جريح(ن) في المحبةعلى ماقال = طواه الغرام ونفحة الحب وبعادة
ولا سجين صككت دونه الاقفال = مده طويله طال صبره ولافادة
ولا الكريم الى عليه الدهر ميال = يحده زمانه من هقاويه ومراده
وأنا اشهد شهادة حق مايبهذل الرجال =الا حجتين هن صخا الكف وعناده
لا صارما يوطي الراس والحال مامن حال = ويسوقه غثى نفس(ن) على الموت وراده
ونطاح(ن) لوجه الضيف لاصدت الانذال = وزعور(ن) بهقواته وغلس (ن) بميراده
يحفظ دم وجهه يوم لاخر يحفظ المال = لا زاده في هاالدنيا ولا بالاخرة زادة
عسى محيي الدار السنيه بعد لمحال= يمد اليدين الي للجواد مداده
اقواله وانا خلف بن محسن بن زمال = ولالا المقاصد كان مافي قصادة
وأنا مقصدي من مقصدي طالبه في الحال= غيث(ن) يغيث الحال ويغض حساده
وعسى راية الفرحة على عالية لقذال =تعلى على راية ضما القلب وانكاده
وتولى هموم البال ومكابد التراحال= ونصبح وغصن البان في كف شداده
ومن بعدها لهم العبادات يخلو البال = ويبقى لقلب العبد لذة تهجاده
الى اقفى نصيف الليل ونكفت الازوال= وغفت كل عين(ن) مالها فسهر راده