مايستوي بيت الشعر هو وبيت الطين= بيت الشعر يطوى وتقفي نجايبهم
ترى البدو رحل والحظر دايم امقيمين=وهاذي مزاياهم وهاذي طرايقهم
مر قطين ومر يم الحيا محيلين = ولا ربعت لسهال زانت عجايبهم
خذو سجة المرباع مدة وهم مجزين= وهبت هبوب(ن) ذكرتهم مشاربهم
وصاروا على المفراع عقب الحيا شفقين=وطووا مبانيهم ودنوا ركايبهم
مضاهيرهم تمشي وذيدانهم عجلين= وفي مقدم المضهور يتلون شايبهم
وعطوا فرجة مضماه مروا بها سارين= ودايم على الشدات مقوى عزايمهم
وردوا عاى عد(ن)رسين(ن)وهم مضمين=وشاشوا مع الهوبال ذبوا عمايمهم
وعقب صلاة العصر قادوا وهم مروين=وعطوا فنتق(ن)راعي الغنم مايلايمهم
يبغون صيف(ن) طايح(ن)من ورا يبرين= هاذي مكاسبهم وهاذي غنايمهم
بدو(ن)عزيزين(ن)وعاداتهم نزهين= اهل الدين والعادات محسن عوايدهم
ولاصاح صياح(ن)ركبوا عليها بحين=ركبوا على قب(ن)بحدب(ن)تنومسهم
هل الراية العليا ليا جاء القا شرسين=ولاعاهدوا ماعاد خانوا معاهدهم
اما الحضر فوطانهم دايم(ن)راسين= اهل المعرفه والعلم تشهد قدايمهم
حماية الاوطان وهل الكرم والدين=وكل(ن)من الصنفين قاموا بواجبهم

بدو(ن)عزيزين(ن)وعاداتهم نزهين=اهل الدين والعادات محسن عوايدهم
ولاصاح صياح(ن)ركبوا عليها بحين=ركبوا على قب(ن)بحدب(ن)تنومسهم
هل الراية العليا ليا جاء القا شرسين=ولاعاهدوا ماعاد خانوا معاهدهم