|
القبيلة لاد عمار والجد الحصان
اخواني اعضاء منتدى الدواسر اهدي هذه القصيده لكم ولمنتدانا الغالي والتي تعبر عن نفسها وعن اتجاهها عسى ان تنال اعجاب الجميع
انتحى بي هاجس الفكر يالله المستعان=هاجس(ن)لا أدوى على الفكر يبطي ما استراح وانفتح باب القوافي وبدع القاف زان= وانجذب طاروقها لي مع الدرب السماح وارتحلت احصان الامثال واطلقت العنان= وماكنيته في مخازن قوي السد باح ولالي إلا أحطم الصمت خوف(ن) من الجنان = وكون احصل عقب شكواى ونس وارتياح او يجيني فزعة تجعل الداين مدان= اونصيحة خير ويفيدني نصح الصحاح فيا نديبي جهز الجيب وارد ذالزمان= وارد الفكسار مطلب بعيدين المراح كامل الميزات ماهوب في عازة ضمان= ابيض من اللي يجي له على الشنطة جناح خله ايوجه ترى لازم الموجاه حان= ونحره مطلق عريب النسب طير الفلاح ابن عم وفي اللوازم نعده من الخوان= منوة اللي منوته يارد العد القراح القبيلة لاد عمار والجد الحصان= لابتة(ن) يوم الوغي ما يزعزعها الصياح لابة(ن) تارد على الموت لاهاب الجبان= والفخر عنوانها في الهجوم وفي الكفاح واخطرك لامن لفيته على الحيل السمان=ومدخن(ن) فيه ازرق العود فوق الجمر فاح سلمه خطي وقله سلامي باللسان= عد مابرق الوسامي بسود المزن لاح عطه روس اقلام ومعزبك سيد الذهان= قل رفيقك في محابيل عكش الرمش طاح واعجل برد المكاتيب لاهنت ولاهان= تدري الي ينتظر خاطره مابه فساح قول منهو ذاق ذبحه وشافه بالعيان= وكان حر وصار في حاجة اطلاق السراح مثل حر طاح في الفخ يوم الحظ خان=وفارق المرقاب والكفخ في الجو الفياح وفخي السود المضاليل وهروج الحنان= والجبين اللي شعاعه كما نور الصباح جادل مشهور بالدين واوصافه زيان= وصيت ابوه يلبسه من الفخر تاج وشاح ماخذ القلب ومجوده عنده ارهان= وطال صمتي ماحصل لي من اسكاتي صلاح كل ماحاولت واشفيت في عقد القران= النهايه للأسف ماتكلل بالنجاح ومابنيته في ليال(ن) يهدمه في ثوان=رفض ابن عمه بسلم الرجال وبسلاح وحرت بين امرين كلاتها عندي إشيان=والحلو منها كما جرعة السم الذحاح ماتعودنا نعمد الخطاء جهر(ن) بيان= وما تعودنا على الخوف من زرق الرماح ولابه إلا نطلب الرب يصلح كل شأن = وننتضر من مطلق الشور ولا الاقتراح الشاعر: عبدالله بن مرضي الودعاني |
ماتعودنـا نعمـد الخطـاء جهـر(ن) بيـان.....وما تعودنا على الخـوف مـن زرق الرمـاح
لله درّكـ الله يفرّج لكـ قصيدة و معيار ثقيل شكرا عبدالله،،، و مطلق قدّ الفزعة و قدود. |
اخي عبدالله الصليبي دائماً وانت قريب من الجماله والمراكز الاولى ؟؟؟ تقبل ود وتقدير تلميذك ابوطلال على كرمك بالمرور الجميل والمباشر 0000دمت من الله لنا ولهذا المنتدى
|
الشاعر عبدالله بن مرضي صح السانك وجعل عمرك طويل وعز الله إنها قصيده يأخ عبدالله انت من الشعراء اللذين اتابع قصيدهم والقصيده راحت لشاعر كفو ومن قبيلة كفو جعلهم المعزه |
اقتباس:
الهرم الشعري الكبير : عبدالله بن مرضي الودعاني لله درك على ماكتبت هنا في هذه اللوحة الجميله واللتي ليست بغريبةٍ عليك هنا سبك وهنا حبك هنا سبائك الذهب عيار 21 عزالله إنك عنزت على شاعرٍ شرواك ويعتبر من أعلام المنتدى الشعري والشاعر مطلق وافي ومن ربعٍ وافين وكلكم عوايدكم الوفاء والجود فصح الله لسانك على هذه المدويه ملايييييييييييييييييييييييييين ونحن في إنتظار الشاعر مطلق بالرد الجميل تقبل ودي وتقديري عسى ربي مايحرمنا من تواجدك ياذيبان محب الجميع |
هلابك ياعزيزي دغش البطي ومرورك الطيب محسوب عليه فقد تعديت مرحلة الشكر لك واستبدلت بقول الله لايخلينا منه
|
انتحى بي هاجس الفكر يالله المستعان=هاجس(ن)لا أدوى على الفكر يبطي ما استراح وانفتح باب القوافي وبدع القاف زان= وانجذب طاروقها لي مع الدرب السماح وارتحلت احصان الامثال واطلقت العنان= وماكنيته في مخازن قوي السد باح ولالي إلا أحطم الصمت خوف(ن) من الجنان = وكون احصل عقب شكواى ونس وارتياح او يجيني فزعة تجعل الداين مدان= اونصيحة خير ويفيدني نصح الصحاح فيا نديبي جهز الجيب وارد ذالزمان= وارد الفكسار مطلب بعيدين المراح كامل الميزات ماهوب في عازة ضمان= ابيض من اللي يجي له على الشنطة جناح خله ايوجه ترى لازم الموجاه حان= ونحره مطلق عريب النسب طير الفلاح ابن عم وفي اللوازم نعده من الخوان= منوة اللي منوته يارد العد القراح القبيلة لاد عمار والجد الحصان= لابتة(ن) يوم الوغي ما يزعزعها الصياح لابة(ن) تارد على الموت لاهاب الجبان= والفخر عنوانها في الهجوم وفي الكفاح واخطرك لامن لفيته على الحيل السمان=ومدخن(ن) فيه ازرق العود فوق الجمر فاح سلمه خطي وقله سلامي باللسان= عد مابرق الوسامي بسود المزن لاح عطه روس اقلام ومعزبك سيد الذهان= قل رفيقك في محابيل عكش الرمش طاح واعجل برد المكاتيب لاهنت ولاهان= تدري الي ينتظر خاطره مابه فساح قول منهو ذاق ذبحه وشافه بالعيان= وكان حر وصار في حاجة اطلاق السراح مثل حر طاح في الفخ يوم الحظ خان=وفارق المرقاب والكفخ في الجو الفياح وفخي السود المضاليل وهروج الحنان= والجبين اللي شعاعه كما نور الصباح جادل مشهور بالدين واوصافه زيان= وصيت ابوه يلبسه من الفخر تاج وشاح ماخذ القلب ومجوده عنده ارهان= وطال صمتي ماحصل لي من اسكاتي صلاح كل ماحاولت واشفيت في عقد القران= النهايه للأسف ماتكلل بالنجاح ومابنيته في ليال(ن) يهدمه في ثوان=رفض ابن عمه بسلم الرجال وبسلاح وحرت بين امرين كلاتها عندي إشيان=والحلو منها كما جرعة السم الذحاح ماتعودنا نعمد الخطاء جهر(ن) بيان= وما تعودنا على الخوف من زرق الرماح ولابه إلا نطلب الرب يصلح كل شأن = وننتضر من مطلق الشور ولا الاقتراح
تعقيد في تعقيد وقت(ن)معقد=احل لي عقده وتظهر اعقودي0
|
مثل حر طاح في الفـخ يـوم الحـظ خـان ،، ،، ،، وفارق المرقاب والكفـخ فـي الجـو الفيـاح
صح السانك اخوي |
القبيلـة لاد عـمـار والـجـد الحـصـان / لابتة(ن) يوم الوغي ما يزعزعهـا الصيـاح
نفتخر فيها مثل ما نفتخر فيكم يا شعّارنا عبدالله بن مرضي صح لسانك مدد معنزه على جبل يستاااهل مطلق لا هنتوا |
انتحى بـي هاجـس الفكـر يالله المستعـان هاجس(ن)لا أدوى على الفكر يبطي ما استراح وانفتـح بـاب القوافـي وبـدع القـاف زان وانجذب طاروقها لـي مـع الـدرب السمـاح وارتحلت احصان الامثـال واطلقـت العنـان وماكنيتـه فـي مخـازن قـوي السـد بـاح الله الله ، صح لسانك ياعبدالله على هذه القصيدة الجزلة والمطلع الجزل من شاعر جزل فبيض الله وجهك على هذه النادرة وعز الله إنك عنزت على نادر وشاعر كفو وتستاهلون كلكم الطيب يالقروم. ولكما مني أجمل الود والتقدير ،،،، |
عبدالله بن مرضي الجماعين . لاهنت على هذه القصيدة الوافية المعبره والتي وجهتها لرجل يستاهل من قبيلة معروفه بطيبها ونخوتها . والصبر ثم الصبرياعبدالله وباذن الله تحقق ماتصبوا اليه وتتمناه . وننتظر رد الشاعر الكبير مطلق الحصان . وصح السانك |
صح بدنك يا اخت شوق2 ولاهني على المرور العطر والثمين وسر الاعجاب في ذوقك
|
هلابك ياعزيزي رعاد ومرورك غالي وتشكر عليه ولاخلينا منك وشرواك
|
مرحبا بك يا اخي ماجد المحيا ولاهنت على المرور يالقرم والطيب من عوايدك
|
ابو عبد المحسن المسعري مرحبا بك بلا عدد ومرورك مكسب لي اشكرك عليه يالنشمي
|
الساعة الآن 09:58 AM
 |
Powered by vBulletin® Copyright ©2000 - 2025, Jelsoft Enterprises Ltd.
---
