حــلم كذّاب
 

مثل الذي ينظر وقصــرت يديــنه
هذي حياتي عشـتها حــلم كذّاب
***
بنـيت جسر الحــلم ونفسي حزينه
على بحــور الياس والدمع ينـساب
***
والقلب يخفي فالضــماير حنــينه
والعين تفضح سرّها بين الاصــحاب
***
كل الســـبب من نور قلبي وضنينه
سيد الغــواني سيد تلـعات لارقاب
***
شفــت القمر واشوف خلي يمـينه
حتى القمر ينظرله بنــظرة اعـجاب
***
وشفت البــحر واشوف خلّي سفينه
ما بين جـــزر ومد يهمس بترحاب
***
انظــر جمال الورد واذكر جبــينه
سحرٍ طبيعي يســلب عقول وألباب
***
يا ليت عيني دايم تشــوف عيــنه
وتحكي كلامٍ عذب وتحكيله اعـتاب
***
مره تأســف له ومــره تديــنه
وتكشف له اسرار الغلا وكل لاسباب
***
ومره تضــمه والمحاجر مديـــنه
ويسكن فديته بين رمشي والاهـداب

منقول

الهنوف

بسم الله الرحمن الرحيم
السلام عليكم ورحمة الله وبركاته
الأخت : الهنوف يعطيك العافيه وماقصرتي على النقل الجميل
ولا تحرمينا من مشاركاتك الحلو وننتظر جديدك

ولك خالص الشكر والتحيه
بوحسـين

ربنا يجعل احلامك دايما تتحقق,,,,,,,,,,,,,,, وشكرا علي نقلك الذي ينبه البغض كي لايغيب عن الوعي ويصدق اي وهم ثم يقبض الحلم الكاذب اخيرا وياهلا

هلا وغلا فيكم اخواني اسعدني توجدكم الطيب