ألآ ياناشدٍ عنـي تفضـلْ وإستمـع بآأجيـب=إجاباتي على قـد السـؤال اللـي تهذريبـه
أنا رجلٍ وأحب الطيب واللي يفعلون الطيـب=ورجلٍ يحشم أهل الطيب والمعروف ياطيبـه
وأنا رجلٍ عزيز النفس وأدورْ لهـا تجنيـب=عن إدروبٍ بها الغرَات والشكَـات والريبـه
وأنا رجلٍ كثير الخوف من اللي عالمٍ بالغيب=وأسآله يغفر ذنوبـي ونسلـم مـن تعاذيبـه
وأنا رجلٍ غيورٍ وأكره أهل الكفرِ والتخريب=ورجلٍ مامشى فـي منهـج التوحيـدِ ماليبـه
وأنا من لابةٍ بيـن القبايـل تشتهـر بالطيـب=لهم تاريخ ومـؤرخ وكـل النـاس تدريبـه
أنا من لابةٍ خلَتْ عيون المعتديـن إتشيـب=مزبنة الجلاوي لاقنـب ذيـب ودعـا ذيبـه
أنا من لآد زايد لابتي سـقمٍ علـى الحريـب=رجالٍ يفعلـون الجـود والنامـوس تحريبـه
رجالٍ يكسبون الطـايله غصبٍ بلـيا طيب=رجالٍ ينطحون الحـرب لا دارت دواليبـه
إليا من صاح صياح الضحى يزهم عليه نجيب=نوردها حياض الموت مانخشى عواقـيبـه
نضد الضد بالسيف الحدب ونعذبه تعذيـب=وشلفٍ في نهار الهوش ماتبرى مضاريبـه
ومن جانا يبينا مالقى ياكون شق الجـيـب=وإليا منَه توهَق من توهَـق عـاد بمصيبـه
وحمينا الدار وأعفينا جوانبها من الغريـب=يكون اللي نحط الـوسم في المشعاب يمشـيبـه
بدون إقصور في باقي القبايل مالحقهم ريـب=كريمين الرجال اللي فعول الطيـب تمشيبـه
عطيتك علمي الأول عسى علمي معاك يصيب=وإذا كفَـاك وإلأ باقـي الأخبـار بآجيـبـه

المشاركة الأصلية كتبت بواسطة مطلق الحصان آل عمار وأنا من لابةٍ بين القبايـل تشتهـر بالطيـب لهم تاريخ ومـؤرخ وكـل النـاس تدريبـه وأنا من لابةٍ خلَتْ عيون المعتديـن إتشيـب مزبنة الجلاوي لاقنـب ذيـب ودعـا ذيبـه أنا من لآد زايد لابتي سقـمٍ علـى الحريـب رجالٍ يفعلـون الجـود والنامـوسِ تحريبـه صح الله لسان الشاعر / دغش البطي الشاعر الكبير جزاله وقوه عارمه ماذا تركت لنا يادغش ماذا سنكتب بعدك ابدعت واتقنت وتفننت ورسمت لاهان راسك ياذيبان ولاهت اخوي صالح على ماقدمت لنا ولك بالغ شكري وتقديري

المشاركة الأصلية كتبت بواسطة دغش البطي السلام عليكم ورحمة الله وبركاته المشرف الغالي صالح الجعيدي مرحباً ترحيبةٍ تخضر بيابس الورق الحقيقه والله إنك تمون على القصيد وراعيه ولاتسير إلأ في كل ماهو سديد وبيض الله وجهك ورحم الله والدينك على نشر هذه القصيدة التي أحس بأنها قريبة من قلبي وذلك لأنها تتكلم عن قبيلتي العزيزة وإعذرني على التعديل في القصيدة لاشلت يمناك ولاعدمناك جعلك ذخر يابن عمي تحياتي القلبية لمقامك العالي محبك ومحب الجميع : دغش البطي

المشاركة الأصلية كتبت بواسطة الودعاني صالح الجعيدي اشكرك على نقلك لهذه الجزله لشاعرنا ومشرفنا القدير/دغش البطي فلا شك بان الشاعر دغش البطي غني عن التعريف وفحل من فحول الشعر سلمت اناملك على النقل المميز..