هلا هلا باللي سلامه يداوي=ماهو زبون للعلوم الرديه
اشهد شهادة حق ماهو دناوي=ولا شبوح العين للاجنبيه
عقيل من شفته خجول حياوي=من عرفتي ماباق غرة خويه
فوق العبيه مثل فرخ النداوي=ينف خيل القوم نف الرعيه

ياعم والله ما جعلت الغطاوي=ويشهد على ماقلت رب البريه
عن طاري الشكات ولا الهقاوي=حلفت لك والله رقيب عليه
عن المشكه يازبون الجلاوي =شاروا علي بشورهم والديه
ويوم خذونا طيبين العزاوي=دون العشاير مانهاب المنيه

يامحمي المنشار بالنار خله=جروح قلبي حاميات مكاويه
مابي مرض ياعيد لاشك عله=من غير شفي ماطبيب يداويه
ماطيب لو تحمى المخاطر ابمله=انا بلا قلبي على فقد غاليه
الصاحب اللي عنده القلب كله=علمي بدور العافيه قبل اخاويه
واليوم مدري وين حروة محله=فاتن ثلاث سنيين ياعيد نرجيه

ياعيد لوكويتني مابي اوجاع=ليتك عرفت بعلتي وش بلايه
بلاي غرو طول قرنه يجي باع=ياعيد دعني لا تبيح خفايه
مادام مانت لعلة القلب نفاع=ياعيد مالك بي تحمل خطيه
ياما عذلت القلب ياعيد ماطاع=اطلب وربي ما يخيب رجايه

اول نهاري دمع عيني عصيته=وتالي نهاري دمع عيني عصاني
وغارب قعودي من دموعي سقيته=مثل هماليل البرد يوم جاني
على الذي من بد حيه بغيته=وهو الذي من بد حي بغاني
وسبعة مخاطر بالضماير كويته =وسبعين مخطر بالضماير كواني
وانا الذي طي الشويحي طويته=وهو اللي طي البريسم طواني

المشاركة الأصلية كتبت بواسطة الركن اخي الحبيب صالح الجعيدي الله لايهينك على هذه القصة التي اتحفتنا بها وننتظر المزيد

المشاركة الأصلية كتبت بواسطة دغش البطي السلام عليكم ورحمة الله وبركاته المبدع دائما وأبداً صالح الجعيدي جعل يمناك ما يجيها العطب ولاهنت وبيض الله وجهك يالقرم على كتابة هذه القصه والقصيدة الرائعه التي أتحفتنا بها والتي تدل على ذوقك الرفيع وفكرك الراقي تقبل ودي وتقديري محب الجميع : دغش البطي

المشاركة الأصلية كتبت بواسطة وسام العصا ابن العم الفاضل / صالح الجعيدي الله الله الله الله ابداااااااااع بالاختيار وابدااااااااع بالنقل وابداااااااااع بالطرح ياعل تسلم ياتاج راسي وافتخر بعد والله ياصالح ولا يهونون الربع لو الفتى / عقيل ما قال الا البيت اللي يقول اول نهاري دمع عيني عصيته**** وتالي تهاري دمع عيني عصاني والا البيت اللي يقول على الذي من بد حيه بغيته**** وهو الذي من بد حيه بغاني لكفاه وكان من اشعر الناس ان لم يكن اشعرهم في عصره لقوة المعنى وسلاسة التركيب وعدم التكلف وانتقاء الالفاظ والجرس الموسيقي. الله لا يهينك يابن العم على هالذوق الباذخ والاكثر من رائع تقبل تحياتي اخوك في الله/ وسام العصا

اول نهاري دمع عينـي عصيتـه=وتالي نهاري دمع عيني عصاني
وغارب قعودي من دموعي سقيته=مثل هماليل البـرد يـوم جانـي
على الذي من بـد حيـه بغيتـه=وهو الذي من بـد حـي بغانـي
وسبعة مخاطر بالضماير كويتـه=وسبعين مخطر بالضماير كوانـي
وانا الذي طي الشويحي طويتـه=وهو اللي طي البريسـم طوانـي