من فضلك جزء من الوقت
 

عطني ولو جــــزء من الوقت ياشاب خلني اوصـــــل مايلوج بضميـــري
انجازلك هرجــــي فتسعين ترحــاب وماصلحلك جعـــــل دربك سفيـري
ودي اقول شين بلا عـــــــنف ورهاب خيرن لعـــله ينتفع فيـــــه غيـــري
تبغى الســــعادة لاتـــدور للســــباب دور مسبب كـــــل شـــر وخيـــري
وغلق على المولاء بقلبـــك ميـة باب وتلقا ظـــــلام الدرب قدمك امنيري
من ابعدمن الله يبشر بحرق لعــصاب ويوم القيـــــامة يوم يحشر ضريري
اقبل وتلبس للمسرات جلبـــــــــــاب انابشيرك كـــــان تبغى البشيـــري
وبعد وتلـــــقا لك معــــانات وتــــعاب انا نذيرك كــــان تبغــــى النــــذيري
صحيح في الطاعة تكاليف وتعـــــاب ومثلك على ركب الصعايب جـديري
والمعصية رجل خدوعن ونصـــــــاب لامص دمك قال منتـب عشـــــيري
لقفى شبابك ونتحى والظهر عــــاب ولأ خطفك الي سـريعن شـــطيري
الموت اي ولله الموت ماعنه مـهراب ياخذ صغير القوم قبـل الكبيـــــــري
التوبة التــــــوبة ترى العبـــد لاتـــاب كل ماسلف يغفر لـــــونه كبيــــري
وشكرا على جزء من الوقت ياشــاب وصلت بعض الي يلـــوج بضميـــري
]ابن زمال.مع التحيه[

صح لسانك

التوبة التــــــوبة ترى العبـــد لاتـــاب*** كل ماسلف يغفر لـــــونه كبيــــري
وشكرا على جزء من الوقت ياشــاب ***وصلت بعض الي يلـــوج بضميـــري

مشكور على القصيده قمه في الروعه واصل المسير وبالتوفيق..

أشكرك يابن زمال على هذه القصيده الرائعه وأرجو من مشرفي المنتدى تثبيتها وذلك لأنها هادفه.
وشكراً

أبداع متواصل من أخوي وولد عمي الغالي ابن زمال وصح لسانك يالغالي وما قصرت قصيده جزله ومن جزلات القصيد صح الله لسانك ولا تبطي بجديدك

نطلب منك يابن زمال قصيدة اخرى الله لايهينك