|
للموت سكرات وللقبر حكره
السلام عليكم ورحمة الله وبركاته
هذه ابيات بعد طول غيبه عسى ان تنا استحسان الجميع
الحر ما كل ابـرق طـال وكـره=الوكر عالي فـي جبـال مهاليـك كل له اسلـوب وطبـع وفكـره=منها استمد وفي حياته يجاريـك خسران منهويأمـن الله ومكـره=يمهل ولايهمل وللخيـر يدعيـك سبحان مـن كـل يهلـل بذكـره=الواحد اللي من المخاطر منجيـك العاقل اللي اشغـل الديـن فكـره=خسران منهو سار درب الصعاليك للموت سكـرات وللقبـر حكـره=والله يكفي شر هذي مـع ذيـك العمر يقضي مثل سلـك ابمكـره=والله علم ويش اخر الوقت قافيك ياحض من داوم بحمده وشكـره=ويارب عمل لاعملنـاه يرضيـك وننجا بيوم كـن كلـن بسكـره=والمرضعه تذهل وكـل يناجيـك |
اقتباس:
وعليكم السلام ورحمة الله وبركاته الشاعر رجوم الشياطين يامرحبا والله ومسهلا بالذيب يسرني ويسعدني مصافحة هذه الرائعه والحقيقه غيبتك عنا طويلة عسى ماشر ياابن العم وعسى كل شيءٍ على مايرام يقول راعي المثل من طول الغيبات جاب الغنايم وعزالله جبتها قصيدة إيمانية تتسم بالموعظه الجميلة والحسنه صح الله لسانك وإعتلا شاننا وشانك دنياً وآخره تقبل الود والتقدير من محب الجميع |
العمر يقضي مثل سلـك ابمكـره....والله علم ويش اخر الوقت قافيـك
رجوم الشياطين لو كل من غاب جاب مثل ذالنادرة كان قلنا ليت اكثر الشعار يغيبون من غير شر الله الله ، صح لسانك وسلم بنانك وعظم الله شأنك وجعل الله يوفقنا وياك لما فيه رضى الله عز وجل في الدنيا والآخرة ، صح لسانك مدد ماهوب عدد ولك الود والتقدير ،،، |
لا اله الا الله محمدا رسول الله انا اشهد انه صدق من قال ان للبيان لسحرا الاخ / رجوم الشاطين صح لساااااااااااااااااااااااانك عدد ماكان او يكون جزل ومبدع ومتمكن سبحان الله ابيات معدوده عن قصائد عديده وترجح بها بعد اسال الله ان ينفعك بها يوم لاينفع مال ولا بنون اخوك المحب لك / وسام العصا |
من طول الغيبات جاب الغنايم
رجوووم الشياطين ابداع وجزاله وسموو وذووق عالي كما عهدناك حكمه وفكره وتصوير وحنكه لله درك من شاعر صح لسانك وتقبل تحياتي وخالص تقاديري ولاتبطي علينا ياخوك ترانا شفقين لاطلاتك...ولقصائدك الجزله |
لا فض فوك يابو غصاب
وعليكم السلام ورحمة الله وبركاته الاخ العزيز الغالي والشاعر المجّيد ابو غصاب " رجوم الشياطين " اررررررحب ترحيبةٍ من المحيط الي الخليج ارررررررحب من واحدٍ يعزك ويغليك اسأل الله رب العرش العظيم ان يجمعنى في مستقر رحمته وان يضلنا تحت ضله يوم لا ضل الى ضله في ذيك الساعه ابوغصاب صح الله السانك وعتلا شانك وزادك الله من مناهل فضله قصيده إيمانية ذات انسياب في المعاني وطراوه في المنطوق تمتاز بسهولة وعذابة كلماتها بمجرد قراتها تنساب معها وانت لا تعلم الى وانت في نهايتها من جزالت ماتحتويه من شاعر متمكن في قوافيه. اسأل الله ان يهنك في عمرك وان يبارك في فكرك واحساسك وأن تتحفنا بما هو جديد من عذب قوافيك ابوغصاب اكرر شكري وتقديري واحترامي واعجابي واعتزازي في شخصك الذي اكن له كل الموده ولاحترام. اخوك في الله / فهد الغريري,, |
العمر يقضي مثل سلـك ابمكـره=والله علم ويش اخر الوقت قافيـك
يالله جعلك من اهل الجنه الرمز الشعري // رجوم الشياطين صح بدنك يالقرم على القصيده الجزله بمعاني الحكمه الصراحه احترت ادور على بيت القصيد لان كل بيت ند عن قصيده انتقاء بارع للالفاظ الجزله والمعبره غايه التعبير بالصراحه مدرسه شعريه نتمنى الاستفاده منها في هذا المنتدى لك خالص الود وفائق الاحترام اخوك/ابن وتيد |
|
(((((صح لسانك يا رجوم الشياطين)))))
صح لسانك وبيض الله وجهك والله إنها أبيات جزله وطيبه أثرت في نفسي كثيراً فجزاك الله خيراً وكثر من أمثالك |
الحر ما كل ابرق طـال وكـره .......الوكر عالي في جبـال مهاليـك
صح لسانك اخوي رجوم الشياطين وبيض الله وجهك في يوم الحشر |
اقتباس:
يشرفني ويزيدني فخرا أن يتكرم امثالك بقرائة الابيات والثناء عليها وهذا تواضع من شخصكم الكريم. بيض الله وجهك ولاهنت يامال المهلا وطولة العمر ابشرك بخير وزود النعيم . ولا ناقصنا سوى شوفتك طال عمرك اي والله وترانا على موعد مع الاخ العزيز/// فهد الغريري ارجو التكرم بالموافقه وتلبية الدعوه. اخوك ومحبك في الله /// رجوم الشياطين |
اقتباس:
صح بدنك وطال عمرك على طاعة وبيض الله وجهك وأنه لشرف ان يقرا ويعلق على الابيات /// ابو عبد المحسن المسعري وهذا تواضع من شخصكم الكريم مع ذا الغيبه وياالله جات هذه الابيات عقب الشين. تقبل الشكر الجزيل من ابن عمك /// رجوم الشياطين |
اقتباس:
بيض الله وجهك و لاعدمناك يالذيب ولاعليك زود يابحر الشعر ومحيطاته . وهذه الابيات لاتساوي شطر من ابياتك العذبه الرنانه ولاكن المعطي الله . اخوك ومحبك في الله /// رجوم الشياطين |
اقتباس:
صح لسانك واعتلى شانك على هذا الكلام الطيب الذي ان دل على شيء فانما يدل كرمك وطيب معدنك . اخوك في الله /// رجوم الشياطين |
اقتباس:
بيض الله وجهك يوم تبيض وجوه وتسود وجوه وبارك الله فيك وفي عمرك ومالك وولدك ورزقك الله من حيث لاتحتسب . لاهنت يالغالي على الترحيب الطيب طيب الله فالك وليس غريب منكم انتم اهل الجود والكرم اي والله. اخوك ومحبك في الله /// ابو غصاب |
الساعة الآن 01:47 AM
 |
Powered by vBulletin® Copyright ©2000 - 2025, Jelsoft Enterprises Ltd.
---
