|
ياهل الخير توسطوا بين بني عمكم (قصيده)
قصيدة أعاتب بها ابني طلال البالغ من العمر ثلاث سنوات وذلك على اثر موقف حصل لنا في احد المرافق العامه بمدينة الرياض
آه يا هشمي ويا سعد عينك ياطلال=ماحدٍ قبلك يلا جا الجميله حبته وكل من شافتك جاها على ضمك اهبال=وضحكت لك وابيض الكف يمك مدته ما حسدتك نعمة الله بقصد انها تزال=ولاب عيني لاضوى رزق غيري صدته قلتها من باب مشروه ضيقه وانفعال=باب مشروهٍ فتحته وصعب سدته ماخبرت ان خصلة البخل فيك من الخصال=خابرك ان بيتك جزيل الهدايا مدته بسألك وأصدقني القول في رد السؤال=يمكن ان تسلم مشاريه ابوك وهدته يوم جتنا فتنة الشوف باهية الجمال=والنظر بعيون الاعجاب يمك لدته واستحت مني وبالدس قالت لك تعال=وضمتك ضمة غلا سعد منهو ضمته ومتعتك بشوف خدٍ مثل نور الهلال=غطته يوم استحت كنها ما غطته ومتعتك بشوف عينٍ هدبها له ظلال=في نظرها كن سيف المهلهل سلته ومتعتك بمبسمٍ ما بلغني ويش قال=كن عصير التوت الاحمر عصارة شفته ليش يوم انك تمكنت من شبه الغزال=لحظة لو تطلب اكبر طلب ما ردته ما ذكرت ابوك بالخير ياذرب العيال=تدري ان وده يجيك وترده عزته كان قلت ابوي بنحط له معنا مجال=تعلمين انه خويي ولزمت خوته عاقل وان شاف نوعك يجي فيه اختلال=بس ما يرخص وقاره وينسى عفته اسمحي له بس يسمع معي همس الدلال=ولا حصل له كلمةٍ منك حلوه كفته لاكن انك صرت اناني وخيبت الآمال=احتكرت الربح والوقت ما أقصر مدته لين جا الجمس المظلل ووقفا به شمال=وفي الرياض وزحمةالسير ضاعت يمته ثم وقفت اعاتبك وانت ما تبغا الجدال=لن مثلك لو يجادل تدينه زلته وصار فينا من سقى الكبد من العذب الزلال=والطرف لآخر عسى مايموت بعلته ياعذابي كان هاجوس ابو طلول طال=وطولت غيبة منامٍ عيوني ملته وياعذابي كان صورته دامت في الخيال=ما محاها دمع شوقٍ عيوني هلته اشهدٍ زين الغنادير هو سحر الرجال=ما بعد حسيت بالظعف كون بسبته وانت يا ناسي خويه حسابك لا يزال=تدري ان ابوك ماهوب ينسى حقته الوعد عند البقاله وقول أبغى ريال=وكل حادث له حديثٍ يناسب حزته قبل قولتك أبشر برقم هاتف الاتصال=وأبشر بحيه عرفته وموقع فلته لا تحسب إنك بتقدر على حل الشكال=لو جمعت أعضاء مجلس الأمم ما حلته الشاعر/ عبدالله بن مرضي فهيد الجماعين am4992@hotmail.com |
وانت يا ناسي خويه حسابك لا يزال..تدري ان ابوك ماهوب ينسى حقته
الوعد عند البقاله وقول أبغى ريال..وكل حادث له حديثٍ يناسب حزته كبير الماضي و الحاضر صح لسانك على هذه الرائعة والله يخلي لك طلال ويصلحه ، وإن كانه مابرد كبد الشايب في ذالسالفة ، فإن شاء الله إنه بيبرد كبدك لاكبر بالعلوم الغانمة والمراجل (الله يصلحه) . شكرن على هذه الرائعة وأسعدني أني أول من رد عليها |
ليش يوم انك تمكنت من شبه الغزال=لحظة لو تطلب اكبر طلب ما ردته ما ذكرت ابوك بالخير ياذرب العيال=تدري ان وده يجيك وترده عزته كان قلت ابوي بنحط له معنا مجال=تعلمين انه خويي ولزمت خوته عاقل وان شاف نوعك يجي فيه اختلال=بس ما يرخص وقاره وينسى عفته اسمحي له بس يسمع معي همس الدلال=ولا حصل له كلمةٍ منك حلوه كفته لاكن انك صرت اناني وخيبت الآمال=احتكرت الربح والوقت ما أقصر مدته الشاعر الكبير : عبدالله بن مرضي فهيد الجماعين الحقيقه قصيده فوق الوصف والتقييم والمنتدى كسب شاعر فذ وكبير بحق والمشروه اللي تشرهت به على طلال يمكن يعرفه بعدين ويعوضك في المقبلات لكن ذاك الحين ويش كبرك ؟؟؟؟ جعل ربي يخليلك طلال وتهنى بشوفته وتسعد بحياته وعلومه الطيبه وجعل الله يصح لسانك ملايييييييييييييييييييييييين على هذه الفاتنه دمت لنا بهذا التوهج والأبداع تقبل ودي وتقديري وشكري وأكد متابعتي لما تكتب عاطر الود من محبك ومحب الجميع : دغش البطي |
الشاعر / عبدالله بن مرضي صح لساااااااااااانك صح لساااااااااااانك جزله جزله جزله من جزل والله يعينك على شمال الرياض له وقع بنفسك اخوك / وسام العصا |
شاعر 0000كبير 0000كبير0000كبير
يابومرضي من اراد ان يقرأ شعراً حقيقياً فل يمر من هنا |
اخواني الكرام ماجد ودغش وسام العصا و Abn Rowiah
مرحباً بالجميع وابرك المشاركات اللي تسعدكم وتطرب مسامعكم اما من ناحية تعليقكم على القصيده فأعتبره وسام فخر على صدري وتأكدوا إن ابدائكم اعجابكم في المشاركه واستمتاعكم بها هو هدفي الاول والأخير نيابة عن ابوطلال اخوكم المحب : كبير الماضي والحاضر |
الشاعر / كبير الماضي
صح لسانك ملايين قصيده في ممنتهى الروعه الزمتنا بحلاوتها وسلاستها بالمتابعه بشوق جدددددددا ولقد رحلنا معا قصتها ابدعت كل الابداع لك بالغ شكري وتقديري |
ارحب ياحصان تراحيب البدو بالوسمي وهذي المشاركة المباركه اللي جمعتنا
ولا اخفيك انك من الرجال اللي معرفته عندي مكسب واما من ناحية رايك في القصيده فمشكور عليه وحق وافي في جميع الامور هذا ولك تحياتي يامطلق ياحصان اخوك الوفي | ابو طلال |
ارحب ياحصان تراحيب البدو بالوسمي وهذي المشاركة المباركه اللي جمعتنا
ولا اخفيك انك من الرجال اللي معرفته عندي مكسب واما من ناحية رايك في القصيده فمشكور عليه وحقك وافي في جميع الامور هذا ولك تحياتي يامطلق ياحصان اخوك الوفي | ابو طلال |
وين ا ابو سيف مايتدخل بين ربعه له دايم عوايد في الطيب
|
آه يا هشمي ويا سعد عينك ياطلال=ماحدٍ قبلك يلا جا الجميله حبته وكل من شافتك جاها على ضمك اهبال=وضحكت لك وابيض الكف يمك مدته ما حسدتك نعمة الله بقصد انها تزال=ولاب عيني لاضوى رزق غيري صدته قلتها من باب مشروه ضيقه وانفعال=باب مشروهٍ فتحته وصعب سدته ماخبرت ان خصلة البخل فيك من الخصال=خابرك ان بيتك جزيل الهدايا مدته بسألك وأصدقني القول في رد السؤال=يمكن ان تسلم مشاريه ابوك وهدته يوم جتنا فتنة الشوف باهية الجمال=والنظر بعيون الاعجاب يمك لدته واستحت مني وبالدس قالت لك تعال=وضمتك ضمة غلا سعد منهو ضمته ومتعتك بشوف خدٍ مثل نور الهلال=غطته يوم استحت كنها ما غطته ومتعتك بشوف عينٍ هدبها له ظلال=في نظرها كن سيف المهلهل سلته ومتعتك بمبسمٍ ما بلغني ويش قال=كن عصير التوت الاحمر عصارة شفته ليش يوم انك تمكنت من شبه الغزال=لحظة لو تطلب اكبر طلب ما ردته ما ذكرت ابوك بالخير ياذرب العيال=تدري ان وده يجيك وترده عزته كان قلت ابوي بنحط له معنا مجال=تعلمين انه خويي ولزمت خوته عاقل وان شاف نوعك يجي فيه اختلال=بس ما يرخص وقاره وينسى عفته اسمحي له بس يسمع معي همس الدلال=ولا حصل له كلمةٍ منك حلوه كفته لاكن انك صرت اناني وخيبت الآمال=احتكرت الربح والوقت ما أقصر مدته لين جا الجمس المظلل ووقفا به شمال=وفي الرياض وزحمةالسير ضاعت يمته ثم وقفت اعاتبك وانت ما تبغا الجدال=لن مثلك لو يجادل تدينه زلته وصار فينا من سقى الكبد من العذب الزلال=والطرف لآخر عسى مايموت بعلته ياعذابي كان هاجوس ابو طلول طال=وطولت غيبة منامٍ عيوني ملته وياعذابي كان صورته دامت في الخيال=ما محاها دمع شوقٍ عيوني هلته اشهدٍ زين الغنادير هو سحر الرجال=ما بعد حسيت بالظعف كون بسبته وانت يا ناسي خويه حسابك لا يزال=تدري ان ابوك ماهوب ينسى حقته الوعد عند البقاله وقول أبغى ريال=وكل حادث له حديثٍ يناسب حزته قبل قولتك أبشر برقم هاتف الاتصال=وأبشر بحيه عرفته وموقع فلته لا تحسب إنك بتقدر على حل الشكال=لو جمعت أعضاء مجلس الأمم ما حلته كبير الحاضر والماضي امتعتنا بهذه الجزله عندما تقراء هذه القصيده تحس وكأنك تشاهد الموقف قصيده جزله من شاعر جزل صح السانك يا ابو طلال وايني طالبك ان تسامح طلال ماعاد يعودها وابشر في المقبلان ماعاد يخلي خويه الله يصلحه ويخليه لك محبك ابو زابن |
والله وتم يابوزابن ماجيت فيه فطويل هههههه والله لايهنك هلى المرور الكريم ولا تعلم ما مدى اعتزازي بمرور مثلك وشرواك والجزاله في ساسك الطيب
لك الود والتقدير |
رد: ياهل الخير توسطوا بين بني عمكم
الله يبييض وجهك يابو مرضي عرض الدنيا وطولها ياجبل ياحصان ياملك القافيه وياكينق
المفردات اخوووك المجمول من امريكا وانشاء الله انا بتصل عليك عن قريب وتقفى لا احد يقطعنا من ذا القصيده ومثلها |
الساعة الآن 12:46 AM
 |
Powered by vBulletin® Copyright ©2000 - 2025, Jelsoft Enterprises Ltd.
---