أنا هاضني يومٍ ونافيه سائد =لاذي ديار الطيبين خراب
وقفتنا أدير الفكر وأثني النظر =لكن ما وقف لها بجناب
وهلت عيوني بزرق الدمع وغرقت =حبيبي وكن القلب منه صواب
فلاكني ما شفت درس وقاضي =وواليد سمحين الوجيه عراب
ولاكني ما شفت شيدبها مباني =رفاع المنازل كنهن هضاب
يادار وينهو المسمى «ربيّع» =قالت قمر يوضي سناه وغاب
ياما لوى من لايراعي طلابه =وفكاك أمور وسرهن قطاب
يادار «سلطان»لقيتيه وينهو =أدعيه قولي بالمراح إركاب
معابير على أكوار ضمَّر =ولاعاد بظهورهن زهاب
تبغي العشى عندك ياعيد النظا =من عندك يبو مسهلاً ورحاب
فنتي لقيتي فارس الخيل «ماجد» =لاحل بقطار الجموع ضباب
فيادار وينهو المسمى«قاعد» =جمل المحامل لاغداً أتعاب
خوالي أعزاز الجاركسابة الثنى =كرام أليا عاد الزمان جداب
فيا ويلنا يادار مما غدابهم =سيور من يقبر يصير تراب
لاون قصدي الموت فالموت هين =مير مقتفينا موقف وحساب
مير البلا الميزان والعدل بالقضا =ولايخفى على الله بشي غاب
والله أن يشوف العبد يوم مهوَّل =تمر الرواسي كنهن سحاب
وتجمع موازين القضا عند واحد =ولايغادر منه وزن ذباب
وكلٍ ذاك اليوم ياتيك قاري =وكلٍ يعطي صحيفته وكتاب
أن كان مكتوب سعيد لهمه =ربه الامن جا الحساب صواب
وإن كان مكتوب شقي تلجلجت =ايضا وجاله عزرة وعذاب
أحدٍ يجيله في وسط طوبى منازل =يجيله فيها موقف ومئاب
وأحدٍ يجيله في الجحيم زلازل =ويسقى من غالي الحميم شراب
ختمتنا قيلي بصلاة على النبي =أعداد ما يظهر نجم ولآخر غاب