هذه الأبيات

المتواضعة جاءت على غير موعدٍ كالعادة تضامناً

مع الحملة الشريفة لمقاطعة

المنتجات الدنمركية نظير تسلطهم على رسولنا الكريم صلى الله عليه وسلم فأقول :

أبـتدي قـولي بذكـر اللهُ أكــبر = خالق الإنسان علام السـراير
واثني بقولي على العدوان وا قْـهر= شعب كوبنهاقنٍ عـلّه خساير
عـلّـه الطوفان مع زلزالٍ أقـشر = تـندمـر فيه الأوادم والعماير
لين يدرون بخطـاهـم أنّه أعـبر = من حروب طاحنة ألها سعـاير
هـيه يالشـمحوط يابو جلدٍ أحمر = ياعـدو الدين معـدوم النعـاير
ياشـبيه البنت يابو شعرٍ أعطـر = ياللعين أنته تبي لإيـدك جبـاير
هضْـتنيّ برسمتك يالكلب الأحقر = ياشـبيه القـرد يا مال الكسـاير
يوم ترسم صورة المبعوث الأبْـهر = النـبي اللي على الإسـلام غاير
ماكفاكم سـبكم يالشعـب الأمْـعر= لين رحتـوا ترسمونه بالجـداير
في أبي وأمي مع أخـويه الأصغر= أنه أشـرف منّـكم يأهل الكباير
هو شعاع الحق يوم أبلج وأنـور = من وسط مكـة إلى حـد الجزاير
وهوْ الشفيع المنتظر في اليوم الأغبر= يوم جمع الخلـق هو يوم الحشاير
يوم كلٍ ينعـرض فعله بأسطـر = في وسط صُـحفٍ ملمة بالسـراير
وهو الذي بالمشفعـة أجدر وأجدر= في نهـار تنهمـل فيـه العبـاير
فياهل التوحيد هبّـوا لأجل ندحر = كل ساقط همتـه شرب الزقـاير
من شعوب الشرك ولا شعبٍ أبتر= راعي الرسمـات أصبح والله حاير
فزعة الإسـلام وبلٍ تو ما أمطـر = لين يغـرق شعبك سيول وخسـاير
والله يا الجبنـة مع النيـدو الأنكر = أن يصبـح عندكم علّـة ضمـاير
والـختم يالله يا المطلـوب أغفـر = لـلذي بمقاطعتهـم صـار سايـر

وسلامتكم : أخوكم المستشار الثقافي (( أبو مبارك ))