::: مـنتدى قبيلـة الـدواسـر الـرسمي :::

هــذي هــي الايــام ..........

مجبــور واعـذرني ايلا قـلت مجبور= حيث السـفـر مكتوب ماهـوب كـيفي

يحــدّنــي ظــرفً وانـا فـيــه مـامـور= مـجبـور اسير بجـرّتـه كالـعـسـيفـي

هنيـت قـلـبً مــن عـنا الوقت مقفور= خـالـي ومـن جــور الليـالي نظـيـفي

ما واكب اهمومه ولاجـيب له شــور= ولا جـاه من غبن المقاديــر ضـيـفي

ولا رافق العميـان والحـول والعـور = ولا اسـتجار بـسـيف رجـلً ضـعـيفي

لاتحسب اني لــ تبسّـمـت مســرور = من شي بقـلبي حيـل ماهـو خفيفي

اضحك وانا في واقـع الحال مقهـور = واللي بـقـلـبي عـلـةً مـا اتــشــيـفـي

مخـفـيـه بفـوادي وانا مـنه مذعــور = والصمت سـبب جرح ينزف نـزيفي

البـعـد شــين ولاكثـر الناس مـخبـور = ومن جـربه يـدرك افـراق الولـيفي

فرقـا الـولايـف يجعل الحال بحـدور = مثـل الربـيع اللي قـفــاه الخــريــفي

هــذي هـي الايــام دولابـهــا ايـــدور = يــومً تـبـسم لك وعــشره تـخـيفــي

محمد بن سوعان الربيّع