قصيدة للشاعر شافي بن ناصر بن شافي ال بريك الدوسري


ياعين غضي نضرتك لاتلدين

خلي نضرك بعيد ماش(ن) سمعته

والجار لو في بيته الي تودين

مجرى النضر عن باب بيته منعته

واحثرك لاتخلفين القوانين

هذا وعد مني بنفسي وضعته

درب مشيته من قديم(ن) وذا الحين

بيت القصير بغيبته مادنعته

والله لو انك سهرتي تنوحين

تشكين شب بموهجتك مانزعته

افضل انك بأحمر الجمر تكوين

ولاطريق(ن) فيه شوك(ن) زرعته

فارجوك ياعيني عن الشين تغضين

مادام انا في شبتي ماتبعته

خليه لضعاف النفوس الرزيلين

نفوسهم درب الرذالة طمعته

ولا فأنا ذرب ومن ناس ذربين

وعزي فلا بكنوز دنياك بعته