يا وطن مليون مبروك ما سـوّى هشـام=جعل مثله عقب رقصه على المسرح يزول
رفرفي يا راية الحق فـي شـفّ الغـرام=راحوا اللي يرفعونك على ظهور الخيـول
لا اله الا انت يارب يـا منشـي الغمـام=لا تعاقبنا علـى فعـل غاويـن العقـول
في ضميري ونـةٍ مـا يعبرهـا كـلام=كيف راية دين الاسـلام ترفعهـا خبـول
وليه تحضنها بنيّة هـوى مـدري مـدام=علمونـا ليـه مـا كـنّ فالدنيـا فحـول
من دعم ذولا حرام ان مـا فيـه احتـرام=والسكوت اكبر شهاده وتصريـح وقبـول
فان سكتنا كارثه وان رضيناهـا حـرام=غير دام الله وكيلـي بقـول اللـي بقـول
يا ولي العهـد ياتـاج راسـي يالحسـام=كل ما جت معضله عند عبـدالله حلـول
يلطم المخطي ويشبك على خشمـه لجـام=ويتمثل للشرف قـول وافكـار وفعـول
سيدي صقرٍ متـى حـام حـوّل ياحمـام=ما يجوز من الظفر لو يحول اللي يحـول
الاسد شبل الاسد والامـام اخـو الامـام=يربط النّيه مع القـول ويقـول ويطـول
سيدى شكـواي ماهـي حماقـه واتهـام=وانت ما حطّيت للحق ممنـوع الدخـول
ما حديتونا لصجّـه ومشـروع اعتصـام=كل صوتٍ لج بالصدق مضمون الوصول
وما غبنّا غيـر ثنتيـن معروفـه تمـام=تختصر في قفلة القاف ما نبغـى تطـول
التزمت يوم جت بـه خفافيـش الظـلام=وانفتاح عيال الامـه لتخريـب العقـول