الا ياتل قلبي تل.... تل الروح من تله= على عذب اللما واظما عروقي في ظواميها
نحابالروح وانحل الحزين الي دنا حله= وناح القلب من بين الحنايا في نحاويها
سرا وانسر يسري في عروقي سره اشله=كتومٍ تكتم انفاس الكتوم انعم خطاويها
خفيت الخوف من خوف الظلام بجادلٍ فله=وقريت ايات ربي من تبارك لين كرسيها
سهرته ليل واسهرت المسهر جادله كله= على كتفي نثرته وانتثرت فريح جاويها
غشاني في حنان الرمش لين اضحيت في ظله= على بحر العيون ابني قصوري في شواطيها
غلى قلبي على الغالي وغاب الغين من غله= وعودة اتعوذ من عذولٍ عاذلٍ فيها
وعاد القلب يدفا من دفا خلٍ وفا خله= على ميعاد معسول الشفاه وشرب حاليها
شربت وشارب المشروب مابل الظما لــ له=غفيت وساح صرح القلب من شربة عسل فيها
برق في مدلهم الزين برقٍ قلت اباصلُه= توصلت لوصاتي ماوصلت اصفا صفاويها
سقالله من سواقي المزن يومٍ ساقي تدله=على روس الشياطين انوي الخطوه واخطيها
اشل الحمل واحمل زود حمل وللجبل حمله= واحيل الشر من شر المحيل ومن حواليها