|
قصيده من اروع قصائد الغزل التراثيه
سرى البارق اللي له زمانين ماسرى=حقوق المخايل بارقه يجذب الساري على فرعة الوادي وسيله تحدرى=تغني طيور الما على حاير الجاري مرابي غزال عقب عرفه تنكرا=عليه الله كل ماحل به طاري برى الجرح منه ومني الجرح مابرى=وهو يحسبنهيو طال المدى باري ابو لبة مثل القمر بان واسفرا=تواسى على الما جل خلاقه الباري ارى سلبة العاتق الى لد مادرى=كما سلبة العرجون في صفحة الذاري نطحني بقرض الهيل تحت المشجرا=جميل المحاسن لا ضخيم ولا عاري صويب الهوى مسكين مشيه الى ورا=ترى النقص فيه وحيله اقوى من الضاري |
ارى سلبة العاتق الى لد مادرى
كما سلبة العرجون في صفحة الذاري تسلم طال عمرك على النقل وياليتك زودتنا باسم الشاعر . |
الشاعر :سليمان بن شريم
وهذه مجاراة الشاعر عيدان الهوامله ونيني ونين اللي من الوهط سرى**تعرض خطوط ذاري فوقها الذاري وقف لا يجر الويل قدم ولا ورى***علي الحموله زايده والولد ناري عنيد على تنزيلة الصاج ماضرى**يقول اجبره والعايدي يظهر اجباري .................. مجي من اجله واتقى من ورى الذرى***يبي مايجي للشك عند العرب طاري معذرة هذا اللي احفظ منها |
السلام عليكم ورحمة الله وبركاته
الرزين بيض الله وجهك على النقل المميز ورحم الله الشاعر الكبير سليمان بن شريم ولاتحرمنا من هذه الروائع |
تسلم يمينك أخوي الرزين
والله يرحم الشاعر |
تسلم يمينك يالرزين ولا هنت على هذه الرائعه التي تغنى بها الكثير والكثير رحم الله ناظمها سليمان بن شريم اعير الشعراء في عصره بلا منازع وقد اعترف له بهذه المنزله جميع شعار عصره وللايضاح فقط الاصل في عجز البيت الثاني هي كلمة (صدوق المخايل)
وعجز البيت الرابع هي(وهو يحسبنه الى طال المدى باري) تقبل تحياتي ولا تحرمنا مثل هالروائع في المستقبل القريب اخوك/وسام العصا |
شكرا لمروركم جميعا
|
|
الله يعطيك العافيه يالرزين على المشاركه الطيبه ونطلب
مشاركات اكثر مثل هذه المشاركه واطيب ولك جزيل شكري |
الله يعطيك الف عافيه
والله لايهينك ورحم الله الشاعر ومشكور على الاختيار الطيب |
الساعة الآن 03:36 PM
 |
Powered by vBulletin® Copyright ©2000 - 2025, Jelsoft Enterprises Ltd.
---