ياطير النورس اشواقي..رمت قلبي على الشاطي=عنيت اعصار بالغربة وحطم مركب احلامي
وصار القلب يشكي لك سبايب جرحه الساطي=وجرحه بالصدر خافي ولكن بالخفا دامي
ياطير احس خفاقي على جمر الوله واطي=جيوش الشوق من خلفي و بحر الغدر قدامي
مكاتيب الهوى خذها لاصار الخل متباطي=وقله عاشقك لو نام صوت الليل مانامي
وقله كلمةٍ حطت على حروف الغلا نقاطي=تعني (ال حبك) بااشعاري ولكن يحذف اللامي
هذاك اللي الى شفته بعذب الشعر احتاطي=ويصبح قلبي لساني واهدي راجف عظامي
عظيمٍ لا اقبل احس الجسد بالقرب متعاطي=وزلزال اسيا يهتز فجاة تحت اقدامي
اخيط الحزن لي ثوبٍ وشق ان شفته اخياطي=وحطم مركب امالي ولم بو صله حطامي
كتبته للامل بيتٍ وكانت اكبر اغلاطي=نسيت ان الهوى ياتي بما لايشتهي الهامي
سقى الله سالف اعوامٍ بها كف الوصل عاطي=واعيش بناظره ليلٍ ترك لونه للايامي
لاشك فراقنا غلطة زمن او كنت انا الخاطي=او انّه... والمهم اني ضميته والضما ضامي
وانا الاشواق والاحزان والاهات اوساطي=احس (ابلا الم) لذة الا وان زادت الامي
صبرت ولابقى غير الخفوق الدامي بساطي=وحظٍ من ثمان اشهر ردي العرف ماقامي
عمومٍ بوعدك اني اجيلك بااروع انماطي=ولكن ماعرفت الا نمط ياسي واوهامي
وداع..ولو غدت ماضي عهود العشق اسواطي=على ظهر الندم ويصير بين اسناني ابهامي
ياطير الشط لي قصة وجابتني على الشاطي=عنيت اعصار بالغربة وحطم مركب احلامي