من حدته دنياه غصبٍ ومحتاج=يصبر على ضيم الليال ومحنها
يزبن على المولى ويبشر بالافراج=كافل ارزاق الخلق واللي ضمنها
فالله خلق من كل نفس لها ازواج=وحاجة عبيده بالدعاء مئتمنها
والطيب بين الناس هو سلك ديباج=الحر مدّه بس قصه عفنها
ومن دش بحر الطيب ينطح له امواج=القرم يثبت والردي خاف منها
فناس الى قربت منها لك علاج=يشد كفك باليمين وحضنها
يشع طيب كنه النور لأنباج=حر مضرا للمراجل وطنها
المرجله غدا لها نور وسراج=ونفسه بدرب الطيب جاد ورهنها
يعطي وكنه وارث عين هداج=وان شان وقته ما يدور ثمنها
يستاهل البيضاء وعلى راسه التاج=وانا اشهد انه نادر فى زمنها
وناس مثل ما قيل قلبه كما الصاج=لو ملبسه ناصع وزاهي بدنها
مرهي بمدح النفس والكذب منهاج=وذود المهايط يشعبه مع رسنها
يمد ويفعل والشواهد له احراج=وفجوج المعايب بينه لو خبنها
ساسه ردي ما يدرك الطيب لو هاج=والذل فرض له وخزيه سننها
بسوق المذله يرفع الصوت هراج=كوبان درب العار ما شام عنها
بينه وبين العز قفل ومزلاج=ما دام نفسه بالمخازي شحنها
سواد وجهه ما نفع فيه مكياج=فعله وسلمه كل حي لعنها
فالبوم مسكنه الخرايب والاحراج=والا الحرار برعن عيطا سكنها
وانا اختصرت القاف ما ابغاه ينعاج=والرجل لا قلت هروجه وزنها

فناس الى قربت منهـا لـك عـلاج=يشـد كفـك باليميـن وحضنـهـا
يشـع طيـب كنـه النـور لأنبـاج=حـر مضـرا للمراجـل وطنـهـا
المرجله غـدا لهـا نـور وسـراج=ونفسه بدرب الطيب جـاد ورهنهـا
يعطـي وكنـه وارث عيـن هـداج=وان شان وقته مـا يـدور ثمنهـا
يستاهل البيضاء وعلى راسه التـاج=وانا اشهد انـه نـادر فـى زمنهـا

وناس مثل ما قيل قلبه كما الصـاج=لو ملبسه ناصـع وزاهـي بدنهـا
مرهي بمدح النفس والكذب منهـاج=وذود المهايط يشعبه مـع رسنهـا
يمد ويفعل والشواهـد لـه احـراج=وفجوج المعايب بينـه لـو خبنهـا
ساسه ردي ما يدرك الطيب لو هاج=والذل فـرض لـه وخزيـه سننهـا
بسوق المذله يرفع الصـوت هـراج=كوبان درب العار مـا شـام عنهـا
بينـه وبيـن العـز قفـل ومـزلاج=ما دام نفسـه بالمخـازي شحنهـا

السلام عليكم ورحمة الله وبركاته


وسام العصا


صح لسااانك مدد

سجل اعجابي

ولاهنت