الأمور مبعثره ومحوسه=صارت الدنيا تحوّس بالسنين
بس . سعد من هو مثلي ملبسه=ملبسه ثقـه بنفسه مع يقين
عزتي للي تكاتم بنفسه=ولالقى حوله هوا ولاّ اكسجين
وعزتي للي غطس بالغطرسه=يحسب الدنيا بيده من يمين
ويحسب انه فوق عليّا مجلسه=ولا يرا للناس غير بنص عين
مادرا إني بصقله وابرفسه=واجمعه ثم انثره حتى يزين
الحياه اشوف منها مدرسه=آتعلم ماأهُان ولا أهين
والمراجل بحرهااا ابغطسه=ثم اجيب الدرّ منهاا والثمين
ووقت ماشفتوا عقالي منكسه؟؟=ابعدوا عن درب واحد ما يلين
ولا أحب اهل الردا والّلسلسه=ولا أحب اللي مشا ممشا مشين
من يخالفني ياوالله ماأنحسه=ومن يوافقني ترا راسه فطين
والله اني رجل عاسف لفرسه=واآزن الهرجه بذان السامعين
ومن بغا بي مصلحه ؟؟ يامنجسه=مادرا انه مابياكل لو طحين
هو صحيح انه أجاد اللحوّسه=بس مايعرف ترا ممشاه وين
مادرا انه صوب رجلٍ يدعسه=ويعرف انه حيةٍ تعرف تبين
حيةٍ قد شفت منها مفلسه=من يخاويها .. فيبشرر بالغبين
حيةٍ قد صوبتني بهندسه=استغلت طيبتي ياعارفين
وقلت توبه جحرها ماألمسه=لا ولا أعيد التجارب كرتيّن
وقلت والله جحرها لأعفسه=واهدم اللي قد بنت له من سنين
الأفاعي جلدها يامملسه=لكن ان السم يذبح صاملين
ياثعابين إلدغتني ..بنعسه=ماأنلدغ من نفس جحرك مرتين

المشاركة الأصلية كتبت بواسطة يحيى الودعاني صح لسانك يذيب وبيض الله وجهك

المشاركة الأصلية كتبت بواسطة الودعاني الرفيدي طاب وقعك والسلامه... صح لسانك واعتلا شانك على هذه القصيدة الجزله.. ولاعدمنا طلاتك يالغالي...

المشاركة الأصلية كتبت بواسطة مطلق الحصان آل عمار الشاعر / الرفيدي صح لسانك وبيض الله وجهك على القصيده ولاهنت على ماكتبت لك بالغ شكري وتقديري

المشاركة الأصلية كتبت بواسطة الحرجي ارحب يابن مانــــــــع ترحيب تقدير ومحبه وحياك الله في منتداك ياذيب وصح السانك واعتلا شانك

المشاركة الأصلية كتبت بواسطة دغش البطي الشاعر / الرفيدي صح لسانك وبيض الله وجهك على القصيده ولاهنت على ماكتبت لك بالغ شكري وتقديري