الصبر جاوز حدوده وباح السد باح = والتشمت حد هجسي لنظم اشعارها
والعذر بابديه لاهل الوفاء وارجو السماح =القصيدة قاسية من ثقيل اعيارها
باذن ربي ماتضايق رجاجيل الفلاح = وان تضايق حاقد يحترق في نارها
القناة اللي على المملكة سم ذحاح = سمها في نحر اهلها ونحر انصارها
هي تحسب الفبركه والتشمت والصياح =يلتفت له عاقل فاهم باسرارها
تحسب (ن)المملكه من ذعاذيع الرياح = تحترك والناس تنساق مع تيارها
ضايعه والله ولوبثها ليل وصباح = ماتنقص قدر دار تشع انوارها
كل منصف ينظر جهود من همه صلاح = امة محمد ولا اهتم في هذارها
ما التفت في اللي جهوده ومجهوده نباح = السفينه جاريه رغم نبح اشرارها
يوم جاء في الجسر زحمة وبعض الناس طاح = ومات من باذن الولي في عدن وانهارها
عيدت شلة (قويسم)وزودت الجراح = افتحت خط التشمت لجمع اخبارها
تتصل بفلان وفلان منها ماستراح = كود يذكر نقص ثم تنشره لاقطارها
قالت اسباب الحدث موكب عرض وراح = فيه شخصية كبيرة وترمي اجمارها
ثم قالت به تراخي من جنود الكفاح = من جنود خدمة الدين دوم اشعارها
(مثل ماقالت سبب لؤلؤة غزه جناح = الهيلوكبتر خبطها وطاح اجدارها)
لا مراسل في الحدث ينقل الواقع صراح = قد قلعناهم عن اديارنا واسوارها
مملكتنا لاحكت ماحكت خلف السناح = تعلن الواقع امام البشر وانظارها
السبب حمل امتعه وفتراش ونسداح = من حجيج مانفع نصحها ونذارها
وقبل هذا فالمقادير والله ماتزاح= نافذه والخلق ترضى بها وامرارها
ياقناة الشر والحقد والكذب المباح = انكشفتي للملا اكبارها وصغارها
والشعار اللي تحطه لها واجب يزاح = مايليق ابها حرام يحط اشعارها
الجزيرة ل بوتركي وقلدها الوشاح = معه شعب دونها يرخصون اعمارها
شعب ينعم بالرخاء والعقيده له سلاح = درعه الظافي وعونه بوقت اعسارها
من يحج يعود مرتاح مايطلب متاح =شاكر (ن) ومقدر المملكه وادوارها
والحقود يموت مقهور لو حاول وصاح = ماله الا الوزر والبربره واحسارها

أخوي \عامر النتيفات..


ارررررحــــــــــــــــب



صح الله اللسانك على هذا القصيد الجزل.

والله يعز اخو نوره اللي سهل للضيوف الرحمان كل شي..




لا تحرمنا من جديدك..


تقبل تحياتي.


أخوك \ عبدالرحمن بن سالم الشرافي

الجزيـرة ل بوتركـي وقلـدهـا الـوشـاح=معـه شعـب دونهـا يرخصـون اعمارهـا
شعب ينعم بالرخـاء والعقيـده لـه سـلاح=درعـه الظافـي وعونـه بوقـت اعسارهـا
من يحـج يعـود مرتـاح مايطلـب متـاح=شاكـر (ن) ومقـدر المملكـه وادوارهــا
والحقود يموت مقهور لـو حـاول وصـاح=مالـه الا الـوزر والبـربـره واحسـارهـا

عامر النتيفات

صح لسانك

رحم الله اموت المسلمين .. وياليتنا احد اموات هذا الحادث

وما حصل قضاء الله وقدره

والله يجزا اخوان نوره الف خير .. وحنا بوجودهم في مليووون خير ونعمه ادام الله عزهم واطال اعمارهم


لاهنت