مرحبا في ليلة عندنا غير الليال=ليلة فيها اجتماع وفرح ومكمله
مرحبا اعداد ماهب نسناس الشمال=بالامير اللي فعوله تبين منزله
اطربي في حضرته يالطواريق الجزال=وماتبقى ياهجوسي عليه وازهله
ياحفيد اللي بنا المجد كله باعتدال=ياسميه ياشبيهه بفعله وعمله
انت ابوك اللي مواقيفه تهد الجبال=اسم مخلد ومكسبه دايم لوله
ايه فيصل فيصلي ليامن قال طال=باليمين الطايله ماتصعب ياصله
ايه فيصل فيصلي من زحول الرجال=طير حر يغني اللي بكفه ينقله
ايه فيصل فيصلي كما حد السلال=ماقصر من هيبته باليدين يفصله
ايه فيصل فيصلي كما الجم الزلال=مثل هداج جميع الموارد تنهله
ايه فيصل فيصل اللي تبين بكل حال=اسم يهد العدو لاحضر ويزلزله
و جدك اللي قاد الامة على الحق ولازال=يبني الامجاد والله على الخير ارسله
حاكم بالعدل والشرع يضرب به مثال=نفتخر به يوم كل بحكمه بدله
حاكم كفه على الشعب همال وخيال=كلنا في عهده بخير والفقر سمله
حاكم من فوقنا لابدا اللازم ظلال=ياعسى ربي يطول حياته مجمله
وانت ياعبدالله الحر لاجالك مجال=اسمك يعز القصيدة وفعلك ما اجهله
يفتخر بك قافي ويعتلي روس الطوال=طيب مجد ينذكر لك بعزمك تدهله
لو كتبت معلقات الشعر بك لايزال=شعري مقصر ولاكن بعفوك كمله

في حفل منهو للنواميس سباق=فواز بن مسفر عزيز الجنابي
اهلا هلا اعداد مالاح براق=واعداد مانشت مزون السحابي
يامرحبا اعداد ماخط باوراق=واعداد ماينشر ويقرا خطابي
بضيوفنا اللي جاو للحفل تنساق=ترحيب طيب من هجوس حضابي
عن عزوتي ذالليل باقف على ساق=والله يقدينا دروب الصوابي
عن شيخنا اللي للمواجيب تواق=هاجوسي بمدحه يتوق وسرابي
ياللي على كبد العدو غم واحراق=وياللي خلقك الله نفاد المخابي
يمناك في المدات ماهيب تنعاق=على الخساير مااحسب الحسابي
طيب وكرم حلم وقناعات واخلاق=جسور قلب ماتذل وتهابي
وعلى دخيل الوجه بالهيبة رواق=ستر وذرا له مايشوف العذابي
لك خاطر من شوفة الضيف ماضاق=سكينك مضرا ولا له جرابي
ايه انت يافواز منته ببواق=ماتفعل الا كل فعل ايجابي
من لابة تاريخهم ماهو بالفاق=بين ومعروف ولاهوب غابي
نسل الشرافى كان يبسن الارياق=لاد الحزيمي ماتذرى المغابي
اهل الكرم من دون منة ولا نفاق=واهل السيوف الحدب واهل الحرابي
واهل الوفا اللي طيبهم فاق الافاق=كل تبنا الطيب شيب وشبابي
خذيتو من المدح جزله ومالاق=وامجادكم من فوق متن السحابي
لا والذي بيده مفاتيح الارزاق=ان مدحي بلاد الحزيمي صوابي

استوى القاف والشيلات جبناها = صفقوا يا هَلِ المحفل على الحاني
القصيدة مبارك جا و غنّاها =سمّعوا مَن على المعنى تحداني
في فرح مٓن علوم الطيب يزهاها =حفل مسفر ولد ذربين الايماني
الشرافا ي سعد ابو الذي جاها =ما يشوف الكدر لو كان م كاني
لابتن فوق عالي الرجم مبناها = للمراجل وسام وطيب عنواني
الرجال العزيزة عز مرباها =كاسبين الجمايل سر واعلاني
والوداعين ربعي صافي'ن' ماها = والثمان السوالف خير برهاني
لابتي عادة المضيوم ينصاها = جارها يبتجح وتزبّن الجاني
قم وانا خالك الك الحق تتباها = لك خوالن تسمّى لاد ودعاني

يا الله ياللي عالمن بالمقادير=يا ربنا الوالي عظيم الجلالي
تجعل لنا في مهجت العين تنوير =في موقفن نرجي عرين الظلالي
يا هاجسي اكتب جزيل التعابير =في مدح غالي ما يجاريه غالي
يا هاجسي حضّر جميع التفاكير=واكتب على المضمون والهم سالي
وابحث عن المعنى ولا تبحث الغير =وابحث عن الجزله وكب الهزالي
في محفل الوافي ازف التباشير =وارفع نبا صوتي وعندي مجالي
الله يبارك في طويل الاشابير=ويكتب له الوالي نصيب العيالي
مسفر علومه في الليال المعاسير=مثل النجم في مرقبه دوم عالي
قدم لي الدعوة على حروت عصير =من قبل شهرن مع مرور الليالي
وجبت له من دون شكن وتأخير =ويحتم علي الموقف اللي بدالي
بجمع الشرافا محتمين المظاهير=لاد الحزيمي معربين الخوالي
لا صاح صياحن عزومه مكاسير=ضاقت على العايل قصير الحبالي
يا العايل المرثوم ما طحت في خير =من دونك الشجعان زحول الرجالي
لاد الحزيمي كاسبين الطوابير =صغيرهم وقت اللقا ما يبالي
من طيبهم ما يحسبون المخاسير =ووجيهم مثل القراح الزلالي
وانا من لابه يا الوجيه المسافير=ترخص على شان الخوي كل غالي
الاد عمـارن سيـوفن بـواتير=في ذكرهم تخضع خشوم الجبالي
في صيتنا نبهج صدورن مزارير=حنا هل الوقفات في كل جالي
انا مع اللابه على الشر والخير=وانا مع اللابه وهم راس مالي
في قربنا تلقى معزه وتقدير =وتلقى الكرامه يا كريم السبالي
والعود الأزرق مع دلالن مباهير =هذي عوايدنا من اول وتالي
باقي القبايل مرحبا يا مشاهير =انتم هل الطولات في كل حالي
والنعم فيكم عد ما غرد الطير =واعداد ما ذعذع هبوب الشمالي
عندي كلام ومطلبي فيه تبرير =عن واحدن يجمع كثير الريالي
لا حانت الفزعه بدا دون تأثير =جعله مراح مقيط قبل الزوالي
حذراك من دنيا العنا والتدابير=وحذراك من وقعه تجيب الجفالي
كم واحدن ينصب كما سالم الزير=وطبعه مثل طبع الخجول الغزالي
من عاش في بقعا على مدت الغير =ما يفقده لا مات حتى الموالي
تمت وانا شاعر بكل المعايير =اطلب رضا ربي رفيع المعالي
وصلوا على ذكر النبي يا مناعير=شفيعنا في يوم عرض السؤالي

يا هجوسي حضري والراس حامي =واروي الي خاطره بالحيل ضامي
واعتلي بي فوق في العليا وعلي =ثم هاتي من جزيل ابلغ كلامي
واندحي لي قاف ما كلن يجره =واطربيني ثم يطرب من امامي
خابر اني ما اجيب الا الجزيله =وخابر اني قاصدن ربعن عظامي
مثل مسفر يا جعل فاله سعاده =الكريم ابن الكريم ابن الكرامي
نسل عودن ما عرف منا ومنا =شامخن اسمه على كل الاسامي
الدواسر والدواسر محزم الي =لا تهنى في الحياه ولا المنامي
واقحطانن باسمهم ذا اليوم حاضر=جيت امثل لابتي درعي حزامي
باسم ربعن محتمين ايت ثقيله =لا زهمت الصفق من دون الغمامي
يطبّخ راس الفتا منا طناخه =والمواقف شاهده والراس حامي
لادعانا الرجل قمنا له عشيره =كلنا ناصله ونوّفي المقامي
والختام اعداد مانوّت بروقه =ياصلاة الله على خير الانامي