![]() |
حنا الدواسر أصل فخر(ن) ومزهاه .. حنا ودينا الجار من طيحة جدار
سألني شخص وش أصلي ؟ ومن وين أنا ؟
طلبني اكتبها له في أبيات شعر .. ولبيت الطلب جوابي أقول فيه :
بديت بسم اللي له الكل لبّاه=رب(ن) عظيم(ن) خالق الجن من نار ومن بعدها باختار من قولي أصفاه=وانثر في شعري كل جزل(ن) ومختار وما كل من يطلب مراد(ن) بيلقاه=وما كل من ينظم حروف(ن) بشعّار بعض الشعر أردى من الدون معناه=وبعض الشعر يطرب كما يطرب الطار! وبعض الشعر ما له وزون تقفّاه=ماهوب شعر.. إلا شعير(ن) وأمرار! ويا ناشدن عني خذ العلم باتلاه=خذها جزيلة من جميلات الأشعار يطرب بها سمعك وذوقك بيرضاه=يجري بوزن(ن) مثل جري الأنهار أنا للعز حزت أصله وأعلاه=ولد الدواسر بالفخر أجهر إجهار حنا الدواسر أصل فخر(ن) ومزهاه=حنا ودينا الجار من طيحة جدار من نسل زايد صاحب الحكم والجاه=حرّ(ن) أصيل(ن) من ولد نسل الأحرار أنا ولد زايد عزيز(ن) مناداه=شيخ(ن) تعزوى به دواسر الأخيار الطيب طبعه والكرم أصل منشاه=من زود طيبه منه الطيب يحتار كسّاب صيت(ن) والفخر دوم ويّاه=وفالحق صارم مثل سيف(ن) وبتّار ما خاب من يزبنه يوم(ن) وينصاه=يغيث من هو من عنا الوقت منهار من هو طلبه الجود عانه وهنّاه=يعطي وما له فالعطا منّ تذكار صحيح مات لكن المجد أبقاه=ما مات في التاريخ قرم(ن) وجبّار وعن ديرتي يا ناشدي خذ مسمّاه=إ(سدير) نبع الطيب والمجد والكار سلام يا (سدير) الفخر والمباهاه=يا جنة(ن) تسلب عقول(ن) وأبصار يا (سدير) مالك في مفاخرك أشباه=صيتك لنا يا ديرتي حصن وأسوار ذخر(ن) لاهلها سعْد من هو بيغشاه=أرض الجمال اللي بها الخير مدرار يفز قلبي كل ما مر طرياه=ويحنّ شوقي لجل حبي لهالدار الدين فرجاله من أكبر مزاياه=وأهله من أشرف ناس عز(ن) ومقدار ومن طاب أصله بان طيبه في منحاه=ينفع كما تنفع محيطات وأبحار وإلا الردي يا كثر شرّه وبلواه=وما يصحبه يا كود جاهل وضرّار وآخر كلامي أدعي الرب يالله=صلّي وسلم ع النبي سِيْد الأبرار تقبلوا مني أطيب تحيه اخوكم ثامر البدراني |
ياناشـدن عنـي خـذ العلـم باتـلاه = خذها جزيلة مـن جميـلات الأشعـار يطرب بها سمعـك وذوقـك بيرضـاه = يجري بوزن(ن) مثل جـري الأنهـار أنـا للعـز حـزت أصلـه وأعــلاه = ولد الدواسـر بالفخـر أجهـر إجهـار حنا الدواسر أصل فخـر(ن) ومزهـاه = حنا ودينا الجـار مـن طيحـة جـدار من نسل زايد صاحب الحكـم والجـاه = حرّ(ن) أصيل(ن) من ولد نسل الأحرار أنـا ولـد زايـد عزيـز(ن) مـنـاداه = شيخ(ن) تعزوى بـه دواسـر الأخيـار الطيب طبعـه والكـرم أصـل منشـاه = من زود طيبـه منـه الطيـب يحتـار الأخ الشاعر : ثامر البدراني صح الله ألسانك وأعتلا شانك شاعر بمعنى الكلمه طال عمرك عسى عمرك طويل تقبل كل الود والتقدير أخوك : مسفر المصارير |
الشاعر وابن العم ثامر البدراني
صح لسانك مليوووووووون على هذه القصيدة الرائعة وتستاهلون يابني عمنا البدارين كل علمن غانم وانتم هله أول وتالي والنعم والله بأهل سدير اهل الكرم والجود والشكالة ولا هوب غريب عليهم والمدح في أهل سدير قليل في حقهم . ولك مني أجمل الود والتقدير ،،، |
الله الله
قصيــده جزززله من راس جزززل صح لســانك مليوووووووووووووووووون ولايكفوووووووووووووووووووووون كفووووووووووووووووووووو والله بك , صح لسانك واعتلا شانك .. يا الشاعر ثامر البدراني |
السلام عليكم ورحمة الله وبركاته
ابن العم ثامر صح لسانك مليون وكفو بك وبربعك المشاكيل وجعلكم المعزه ياربعنا اخوك:عبدالله |
اقتباس:
صح بدنك وكلك والله يسعد قلبك ويوفقك لا هنت على مرورك تقبل مني احلى واغلى واطيب تحيه .. |
اقتباس:
ما عليك زود يا المسعري تسلم والله وهذا من طيب اصلك اخجلني مرورك وتعليقك اللي زاد الموضوع روعه وحلا لا هنت ويعطيك ربي العافيه لا تحرمنا من تواجدك وتواصلك لك مني احلى واطيب واغلى تحيه .. |
اقتباس:
تسلم والله يا قرم القروم صح بدنك وكلك يا الغالي لا هنت ويعطيك ربي العافيه على مرورك اللي اسعدني وشرفني لك مني اطيب واغلى تحيه يا القرم .. |
اقتباس:
اخوي الغالي عبد الله وعليكم السلام ورحمة الله وبركاته صح بدنك واسعدني مرورك وتشريفك الموضوع وما عليك زود الله يحفظك يا السنافي لا تحرمنا من تواجدك الله يعطيك العافية لك مني اطيب واحلى تحيه |
صحححححححح لسانك ملايييييين اخوي ثامر على القصيدة الرااائعه
ولاهنت ياذيبان ومن طول الغيبات جاب الغنايم تقبل تحياتي،، |
ابن العم ثامر البدراني
صح الله لسانك ملايين ملايين ولاهنت على الجزلة الوافية ونعم فيك ياترثة عامر بن بدران وباالبدارين كلهم وبيض الله وجهك على المشاركة النادرة ولاتحرمنا من جديدك |
ارحــــــــــــــــــــــب مليون والف مليون . . .
كفو والله قول وفعل ونعم والله اخوي ( ثامر البدراني ) صح لسانك ولاهنت على هذه القصيده اللي تدل على طيب قايلها . . . جعلك تسلم على هذه القصيده . . . تقبل تحيات اخوك محمد بن عبدالعزيز . . . |
اقتباس:
يا مرحبا ترحيبة البدو بالسيل ... هلا والله بالغالي هايف العماني صح بدنك وكلك تسلم على مرورك اللي اسعدني وشرفني ولا شنت يا الغالي الله يعطيك العافية على تواضعك ومرورك تقبل مني أطيب وأحلى تحيه .. اخوك ثامر |
اقتباس:
يا هلا والله بالغالي ابن محمد الودعاني ابن العم صح الله بدنك وكلك ولا شنت يا الذيب ما عليك زود يا ولد عمي القريب ووجهك ابيض تسلم والله على ردك اللي اسعدني وشرفني ولا هنت على تواضعك ومرورك وردك لك مني احلى واطيب واغلى تحيه .. اخوك ثامر |
اقتباس:
هلا بالغالي محمد يا هلا فيك الله يسلمك ما عليك زود الله يحفظك ويطول عمرك صح بدنك ولا شنت تسلم والله على مرورك وتشريفك وردك اللي اسعدني وشرفي الله يسعد قلبك لك مني احلى واطيب تحيه اخوك ثامر |
الساعة الآن 02:13 PM
![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() |
Powered by vBulletin® Copyright ©2000 - 2025, Jelsoft Enterprises Ltd.
---