بســـم الله المعبــــود كتّــــاب الآجــال = منزل تبــــارك والحجــــرات والليل
وتبّـت والم نشـــــرح وطـــه والانفال = الوحـــي ينــزل به من الله جبـــريل
قــــرآن يتلــــى مــــــاتغيّــــر ولا زال =ناسخ لتـــوراة النصــارى والانجيل
يقول من يبـــــدع حسينــــات الامثال =في وقتهـــا مافيــــه بكـــره وتأجيل
فـي حفلنــا الـــرابع والانعــــام تنهال =ولا للحســـود الاّ التعــب والتفاشيل
جينا لقصـــر اليخت شيبـــان واشبال = أهل الـــوفا عند التــواصل مواصيل
الوصل ربط انجـــــال بانجال وانجال =لبنـــة بنا ماهـــــوب هـدم ومعاويل
أســـــاسها حبّ الـــوطــن دق وجلال = ونوع البضاعه من حمول الجماميل
مشكـــور يالحاضـــر على عدّ الاميال = ومعـذور يالغــايب على كثرهن ميل
حضـــــوركم يالابتـــي يشـــرح البال = يامرحبــــا بالعــــود والبـــنّ والهيل
يامرحبـــا مانــــاض بـــــارق وهمّال = باللّي حضــــر ترحيبنـــا عطّر القيل
اقلـط على دلّــــــه وتمــــــره وفنجال = ومن عقبهــــا فقـــار قعدان مع حيل
عنــــواننا ينسي المهمّـــــات واشغال =لأنّـــه اولى من جميـــع المشـــاغيل
اهنّي الشعـــب السعــــودي ومن سال =عن خـــادم البيتيـن لو بالمــــراسيل
شفـــاك يابــــدر الـــزمن راس الآمال = وجينـــا نســـــوّي للتهــــاني تباديل
عسى جـــلال العــــافيه فــــوقك جلال = وعمـــرك على عدّ السنيــن المقابيل
من يشكـــر الله زاد له خيـــر وافضال = ومن يكفـــر النعمــه تزول التفاضيل
وحنا سجـــدنا الشكــــر والدمع سيال =والحمـــــد لله عــــدّ وبل الهمــــاليل
لعين الـــوطن نكتب ولوحــــرفنا طال = طوله قصـــر من دون منّـــه ولاميل
دارك ودار الــــدار عن خــــايب الفال = دارك لهــــا رفعـــــه وعــزه وتبجيل
وانا احمــــــد الله دارنــــا دار الابطال = وطن وحنّــــا له سيــــــوف وقناديل
لاخيــــر في جاحــــد وخــــاين وقتّال=من يطعــــــن امّه تحتـــديه الغرابيل
ياربّ تحفظنـــا من اشكـــــال واشكال = ومن كاد كيـــده في طريقــه محابيل
في عهـــد ابو متعـــب لنــا كنّ وظلال =هو درعنا الضـــافي بوجه المظاليل
وسلمــان زنده جنـــد ورمــاح وسلال =مطر ويحيــــابه هشيــــــم ومهازيل
مرحـــوم ياسلطـــان يامنفـــــق المال =كفّــــــــه فـــرات وكفّـــه الثانيه نيل
وياجعـــل نـــايف يسكــن الخلد بالعال = بكفـــوفنا ندعي له الصبــــح والليل
خير الخلـــف لافضل سلف شال ماشال =يوم الامـــانه تتعب الحيــــد بالشيل
أحمد حميــد الـــراي حمّــــال الاثقال =هرجه فشق لاهل الفسق والجهاهيل
كفّـــا ووفّــــــا لكن الضــــرف له حال = مشكور يالســامي ويالجدي وسهيل
واليـوم ابن نــــايف لهـــــا صار حمّال = قول وفعـل ماهـــوب هرج ومواويل
رجـلٍ كفـــو في عين من خـــــالف نبال = نهل من اعذبهـــا قــــراح وشهاليل
وزيـــرنا لــــو يلحــــم الجــــال بالجـال =سمــــاه ترعـــــد والاراضي زلازيل
على الصـــديق بحــــور نعمــــه وشلاّل = وعلى العـــدو نقمـــه وطيــرٍ أبابيل
وان صــــار لـــــلاراء ناقـــــض وفتّال = سطّام صرح الهــــام جمله وتفصيل
حــلاّل عســــرات المشــــــاكل وفالحال = عند الشــــدايد صايب الراي حلحيل
وحنّا فـــــدا للــــــدار بالمـــــال والحال = مبايعــــه للمــــوت مافيــــه تحويل
ياشعـــب ســــوريّا لك اكبـــــار واجلال = صمـــدت في وجـــه العداة القواتيل
الطــــاغيــــــه لابــــــدّ ينـــــداس بنعال = مايختلــف عن ابرهـــه راعي الفيل
الله تعهّـــــد حفـــــظ دينـــــه فـالاجيال = وهذا امتحــــان وفيـه حكمـه وتنفيل
اقســـم بربّ البيــــت ماجـــاك الاهمال = لـو كثّــــروا تعتيــــم كــاذب وتظليل
وموقف ملكنـا بيّض الوجــــه بارسال = مســـاعــــــدات وفزعــــةٍ بالمحافيل
بهــــذه المنــــاسبـــــه فالصــــدر جال = منّي نصيحـــه للرجــــال المشــاكيل
اترك كــــــلام الكــــذب والقيــل والقال = واترك كــــــلام مهــــرجين ومهابيل
للشـــــــر معــــدالٍ وللخيـــــــر معدال =والصــــدق خلّه في كلامك صواميل
خلّ العقـــل على رحى راســـــــك ثفال = والكيـــف مايعمـــــل بليّـــــا معاميل
الديـــــن خلّـــــه لك ملابيــــس وعقال = وله في شــــرايينك ومخّــك دواخيل
لاتستميـــل ان شفـــــت دينــــار وريال = اوقف وســـوّ لخـــــدمة الدين تفعيل
الناس تمــــــدح بالفعـــــــايل والاعمال =امّا الحكـــي مازاد قـــــدر الرجاجيل
اقلّهــــــا لاقــــــالوا فــــــــلان دجّـــــال = يمــدح ولاله في مديحـــــه دواليل!!
وحنّــا على بـــدران والصــــدق ينقال = الشمــــس تسطــــع ماتغطّى بغربيل
دواســــرٍ تاج الــــزمن تــــــاج الاجيال =ولانيــــب زايـــد فالمــــزايا وتحليل
الزايـــــدي والتغلبــــــي كـــــفّ وسبال = جبر الكسيــر ان دوّختـــــه البهاذيل
جبـــــال هالدنيــــــا وفالمـــــاقف جبال = للضيـــف كيل وللعــــــدو عندنا كيل
يمّــــا نجي صـــــوعات بقعـــــا وسلاّل = والاّ العـــلاج ان شحّ طبّ الصياديل
خيّـــــالنا يــــــوقـــف لمليــــــــار خيّال =مازعزعــه صوت الرمك والجحافيل
خطـــــلان الايــــدي لاطمـــــة كلّ عيّال = يرهب حمـــاها الجــــنّ قبل العياييل
نلبــــس جديد وضــــدّنا يلبـــس سمال = اذا حيــــا .. والاّ رهين الغــــــراميل
كم راس فــــارس بين رجليـــــه منهال = وكم نادمٍ اقفى وهـــــو يسحب الذيل
وسم العصى يـــردع عــــوارف وجهّال = وشلــون لاصـارت مواقف واساطيل
اقـــــولهــا صــــادق ولانيــــــب ختّـال =من دون نقــــصٍ فالقبــــايـل وتقليل
اخبـــــارنا بيـــــن التـــــواريــخ تختال = وهذي فقـــط نبذه علشــــــان ماطيل
الحـــــق كائـــن حي والـــــزيف تمثـال = ماهيب خــــدعة يوتيـــوب وجواويل
شكـــراً لمــن نظّــــم بجهــــده وما نال = واختصّ من بذله كمـا المزن والسيل
ماجــــد ورث مجـــده كمـا عقد سلسال = نسل جعفـــر رمـز الظفـــر والمباذيل
وغـــزّي قبل من نســـل بـــــدران بذّال = رغم القســـا دفعه جــــزيل البـراطيل
يارب والبسنـــــا العفـــــو لبسة الشال = وفي عالي الفـــردوس خيـر المنازيل
واغفرلنـــــا يوم الحشـــر يـوم الاهوال = لاجــــابوا المجــــرم يدينــــه مغــاليل
صلّـوا على المبعــــوث والصحب والآل = والتــــابعين النــــابـذين الابــــــاطيـل
ماســــــار جمّــــــالٍ وماســــــار رحال = وماحــــج بيـت الله جمـــوع وزرافيل

ذا لي زمن والجوف يصلاه صـــــــالي= جمر الغضا بين الضلوع المحــــابيس
والجوف ميدان القنــــا والقتـــــــــالي= صُم الرمك تقاطعنه مـــــــــــــــراويس
وأشرفت في رجمٍ من الونس خالي= مشراف من كثرت عليه الهــــواجيس
رجم السديري يوم بـان وزمـــــا لي= عديت في مدهال شقر الــــــقرانيس
أمشي على سيرة كريم الخصــالي= محمد الأحمد عديم الأجـــــــــــــانيس
في سيرته بديت بدع المثـــــــــالي= السيره اللي للدواسر نــــــــــــــواميس
هو الصخى وهو القراح الــــــــزلالي= مدات جوده ماحجبتها الخـــــــــراميس
شاعر وأمير وفارس(ن) بالنـــــــزالي= جمع ثلاث صفات من غير تــــــــدليس
زيزوم زبن المعضلات الثقــــــــــالي= رمزٍ بقى عبر السنين الـــــــــمداريس
في طوع أبو تركي مشى مـا يبالي = روحه معرضها سهوم المهـــــــــاويس
مايرتكي للشيل مثل الجمـــــــالي= ولايقطع البيد المخيفه حــــــــراسيس
هاذي صفاته بالكرم والفعــــــــــالي= صفات ابن بدران عوق الفــــــــــواريس
ذاك الضمين اللي شبوره اطوالــــي= اللي على ذكره تغنو هل العيـــــــــــس
يوم الجزيره مسرحٍ للفعـــــــــــــالي= والخيل فيها تموج بين المــــــــــلابيس
له سيرةٍ نفخر بها اول و تالــــــــــي= وسيرة محمد دونت بالقراطيــــــــــس
من عاش شاف فروقها باللـــــيالي = ومن قاسها شاف اختلاف المــقاييس
مرحوم ياراعي العلوم الجــــــــزالي= هبت على قبره هبوب النســـــــانيس
سقوى سقا قبره مزون الخيــــالي= قبر(ن) يضم الجود وصدق الأحـاسيس
عزاي في ابو زيد عذب المقـــــالي= شواردٍ لعمي الأريا مشــــــــــــــاميس
وعزاي في ابو زيد باقي الرجــــالي=اللي على نيل المراجل مهــــــــــاويس
آل السديري كاسبين المعـــــــالي= لهم سنام المجد خـــذوه تـــــــأسيس
الأسره اللي بالمواقف ثقــــــــــالي= مثل الجبــال الراسيه بالتــــــــــضاريس
أحفاد ابن بدران مروي الســــلالي = ستر العذارى المترفات النــــــــواعيس
اكفوفهم تندى بطيب الفعــــــــالي= وقت الرخى وعند الحـــرايب مقـابيس
هل المواقف عند مس الحبــــــالي= لا جا نهار(ن) طاوع ابـــــــليس لابليس
باول جيوشٍ بالوغى والنـــــــــزالي= ترخص عمار مــــــــــــدورين النـواميس
لأجل السعود اللي علينا غــــــوالي= حماة بيت الله عن كل تــــــــــــــدنيس
معربين جدودنا والخــــــــــــــــوالي= خذنا على دروب المعالي مـــــــراويس
منا لابن بدران - ومنا خــــــــــوالي= فخر(ن) على فخر(ن) بكل المقـــاييس
حنا خوال معربين الخـــــــــــــوالي= عبد العزيز الصيرمي والأشـــــــــاويس
اللي بركت له نجد عقب الجــفالي = جود رسنها بالحلاق المقــــــــــــاويس