|
ماحسبنا وش ورا سود الليالي ،،،،،
السلام عليكم ورحمة الله اتمنى تعجبكم وتحوز رضاكم ،،،،، الزمن ماقد خبرته قد صفالي والعزوم الصامده فيني تشيله عزتي هي الغناه وراس مالي والفقر ماهوب للطيب فشيله كم غني لاجاه للفزعه مجالي صد عن درب المراجل عزتيله وكم فقيرن ماملك حتى ريالي قام بالواجب لمنهو يشتكيله نرتقي بفعولنا في كل عالي مانضريها على كسب الهزيله من خلقنا للمراجل مانمالي نكسب العليا لونها مستحيله ماحسبنا وش ورا سود الليالي ولا تربينا على ايدينً بخيله ولاجمعنا المال في دنيا الزوالي يوم ولد اللاش يجمع في شليله المعزه دربها عسر المنالي واحمد الله يومني فيها دليله ياقصيدي بلغ اشباه الرجالي بانهم عاله على باقي القبيله بقلمي ،،، |
رد: ماحسبنا وش ورا سود الليالي ،،،،،
صح السانك ياناصر ..وبارك الله فيك..
وفقك الرحمن... |
رد: ماحسبنا وش ورا سود الليالي ،،،،،
من خلقنا للمراجل مانمالي
نكسب العليا لونها مستحيله ماحسبنا وش ورا سود الليالي ولا تربينا على ايدينً بخيله كفو ياناصر صح لسانك وبيض الله وجهك قصيدة مليئة بالجزالة وتبيّن عزة نفس صاحبها صح لسانك على الجزالة الواضحة وننتظر جديدك ياناصر تقبل ودي وتقديري ،،، |
رد: ماحسبنا وش ورا سود الليالي ،،،،،
صح السانك
:icon14::icon14::icon14::icon14::icon14::icon14::i con14::icon14: |
رد: ماحسبنا وش ورا سود الليالي ،،،،،
ابو نواف
لاهنت عالمرور واسعدني تواجدك صفحتي راشد المسعري ماعليك زود وبيض الله وجهك على مشاركتك وردك الوافي سيف لاهنت عالمرور والمشاركه وبيض الله وجهك |
رد: ماحسبنا وش ورا سود الليالي ،،،،،
ولاجمعنا المال في دنيا الزوالي
يوم ولد اللاش يجمع في شليله الله الله .......... صح لسانك واعتلى شانك قصيده جزله ونتمنى المزيد مثل هذا الابداع لاتحرمنا لاعدمتك |
رد: ماحسبنا وش ورا سود الليالي ،،،،،
يعطيك العافيه بندر على مرورك
تحياتي 🌹 |
رد: ماحسبنا وش ورا سود الليالي ،،،،،
صح لسانك يا اخوي ناصر وربي لاهانك ع الابيات الطيبه
شكري وتقديري |
رد: ماحسبنا وش ورا سود الليالي ،،،،،
صح السانك اخوي ناصر واعتلى شانك
كل الشكر والتقدير |
رد: ماحسبنا وش ورا سود الليالي ،،،،،
صح الله لسانك وبيض الله وجهك على هذه الابيات الرائعه
|
الساعة الآن 02:20 PM
 |
Powered by vBulletin® Copyright ©2000 - 2025, Jelsoft Enterprises Ltd.
---