راكب اللي مشترينه لحزات اللزوم =وارد اليابان شيخ المواتر كلها
لالقيتة داخل السوق لاتقعد تسوم =دق سلفه والدراهم يديك تعدها
فلل البنزين ممتاز من دار القروم =و انص دار العاصمة والدروب دلها
يم شيخ في المواقيف غالي ومحشوم =المراجل كايده مير هو كفولها
اترك اللي شيخته بس من شان الختوم =واترك اللي شيختة للفلوس شلها
ألردي لو طلح خله وجعله ما يقوم =وإن بغى روس المراقيب مايصلها
أنت منصى للدواسر حميدين السلوم= وأنت عز للقبيلة ومثلك عزها
وأنت بيتك للمطاليق بين ومعلوم =وإن نصوك شيوخ قوم تجي مع صفلها
من نصاك وقال تكفا لاتنوم =من بعد الأصحاب قام الدموع يهلها
انتخيت وكلمتك له : تواري يالهموم=الدروب ندلها والصعاب نحلها
بإذن منهو للمخاليق غفار رحوم=المشاكل كلبوها بينسى همها
كم دعاله شايب تالي الليل الظلوم =لم شمل العايله يوم ربي لمها
يابوعبدالله فعولك وطيبك كل يوم =بينة بين المخاليق ماحد ذمها
ياسويد دايم الدوم للعليا تروم =ويا عسى الأنذال ياخالي تموت بغلها
الفعول الطيبة وصلت بك لنجوم =نفتخر بك بين الاجناب وأنت أهلها
والسلام ختام مني ويهدي للعموم=وانتهى آخر قاف مني وجاء في حلها