لبيه ماتكفي ولو قلت لبيه =لو قلتها من قلب مليون مرة
لبيه ياقلب ملكني وانا فيه=لامن ذكرته فز قلبي ودره
مهما فعلت من الحساني فلا اوفيه =اللي بوسط القلب شيد مقره
قلب امي اللي مابعد غاب طاريه =الله يقدرني لحفظه وبره
اماه انا مقصر بحقك ومخطيه =لو برك بيحكي علي يتشره
اماه ياباب على الجنة ارجية =لاقمتنا ببرك وفعل المسره
روحي مع روحك وباقول ماضيه=تسعة شهور بين كرة وفرة
ورضعتلي عامين والحال نطوية =من مش زورك خذت حلوه وحره
وكم عام في حظنك تلقيت دافيه =والرزق لي لوكان مثقال ذره
تضحك لك الدنيا بضحكة معاليه=وتضيق لا مني لقيت المضرة
ياماسهرتي الليل حتى تواليه =لجلي وسامرتي نجوم المجره
تبغينني ما ازعل ولا لشي ابكيه=وتدورين رضاي مليون مرة