انا اغليك يا خالد مثل مانت تغليني=وبعض المحبه مالها من ينافسها
عسى الله يهديك وجعل ما تفقدك عيني=باخصك بمنصى كلمتي وان تقيسها
رجاي انك تجمع كل ديني وتوفيني=وتنطح الامور الكايدات وتريسها
اما اليوم ابيك بكل درب تخاويني=تعلم من علوم الرجال ومجالسها
من اهل الشرف والعرف والعقل والديني=واللي غيرها كسابها مثل مفلسها
ما قمنا نميز كل زين من الشيني=الا من تجاريب الحياه ومدارسها
ما ينجح بها ياكون من عقله ذهيني=ولا اللي حياته بالشدايد يمارسها
تنبه وعامل مجمل الناس بالليني=ودروب العوافي حاول انك تلمسها
ولا ترافق الا كون منهم شريفيني=لا يخدعك هرج الناس مع زين ملبسها
ولا تحسب ٍ كل المخاليق صافيني=كثير العرب من تالي ٍ شانت انفسها