ألا يالله يا ربَّ البرايا=عظيم الملك غفَّار الخطايا
تقبل دعوتي فك أسر خالد=قيود الحبس سوت به سوايا
ولا غيرك يربْ اِيفك قيده=ياعلَام الظواهر والخفايا
لك الله كلنا خالد يخالد=وقدرك كامنٍ بين الحنايا
نلبي دعوة الوافين ربعك=وحن لعيونك أفواج (اُ)وسرايا
تضامنا معك قلبٍ وقالب=على الفجَّار وِاخباث النوايا
دعات السلم والإصلاح تباً=لكم ما صنتم (ا)حقوق الرعايـا
دعاة العدل والإنصاف سحقاً=أرى في عدلكم ميل (اُ)وغوايا
وخالد يُتَّهم من غير اَدله=وهو من دار جزلين العطايا
هل العوجا معاهدهم يقدَّر=ويآمن جارهم شر البلايا
ملوكٍ طبقوا عدل الشريعه=مواطن وأجنبي نفس المزايا
ولا يظلم بريٍ في ذراهم=ومعاديهم يردْ حوض المنايا
بهم نفخر لهم صادق ولانا=ومنهم نقتبس طيب السجايا
يخالد يا عريب الساس تكفى=ومثلك ما بيحتاج الوصايا
توكل واعتصم بالله وناجه=وعند الله فرج كل الرزايا
ولك الله كلنا خالد يخالد=نسوق اِلك الدعا وأغلى التحايا

المشاركة الأصلية كتبت بواسطة شافي بن راشد النتيفات (المشاركة 729021) بيض الله وجهك ياظافر وصح الله لسانك ملايين ولايستغرب هذا الوفاء منك ومن ربعك الوافين ونسال الله ان يخرج اخونا خالد مماهو فيه

المشاركة الأصلية كتبت بواسطة راشد المسعري (المشاركة 729225) دعات السلم والإصـلاح تبـاً لكم ما صنتم (ا)حقوق الرعايا دعاة العدل والإنصاف سحقـاً أرى في عدلكم ميل (اُ)وغوايا وخالد يُتَّهم مـن غيـر اَدلـه وهو من دار جزلين العطايـا الله الله صح لسانك يالأمير وسلم فكرك ياالجزل وبيض الله وجهك على مشاعرك تجاه خالد وقضيته نسأل الله أن يفرج عنه وعن حميدان التركي كل ناجح محارب: الأول نابغة في الهندسة الكيميائية والثانية في الحاسب وأظن الطيران أكرر شكري وتقديري لك اخي الكريم ،،،

المشاركة الأصلية كتبت بواسطة نآصر البدراني (المشاركة 729000) " الله يفرج عن خالد ويقر عين والديه برؤيته آمين " صح لسانك لين ترضى يا ابو بدر واعتلى شانك في ذمتي انك وافي ومن ربعِ حشام ..

المشاركة الأصلية كتبت بواسطة مبارك بن شافي النتيفات (المشاركة 729299) صح لسانك ملايين وبيض الله وجهك ياظافر تقبل مروري طال عمرك

المشاركة الأصلية كتبت بواسطة عبدالرحمن بن فلاح آل بريك (المشاركة 729315) صح الله لسانك يا الأمير . وبيض الله وجهك على تفاعلك مع قضية الأسير خالد الدوسري . وما يستغرب منكم الطيب . الله يفك أسر أخونا خالد ويفرج همه .

المشاركة الأصلية كتبت بواسطة أبونواف الدوسري (المشاركة 729429) الله يفرج كربة أبننا خالد ويبرئه من هذه القضيه.. وبارك الله فيك أخي ظافر الشهري..ولاهنت على هذا التفاعل الرائع مع قضية أبننا خالد..متمنيا من العلي القدير أن يحفظكم جميعا ... وفقكم الرحمن...

المشاركة الأصلية كتبت بواسطة علي العبدالهادي (المشاركة 729537) الله يفرج كربة أبننا خالد ويبرئه من هذه القضيه.. وبارك الله فيك أخي ظافر الشهري..ولاهنت على هذا التفاعل الرائع

المشاركة الأصلية كتبت بواسطة محمد راشد النتيفات (المشاركة 729584) بيض الله وجهك ياظافر وصح الله لسانك ملايين ولايستغرب هذا الوفاء منك ومن ربعك الوافين ونسال الله ان يخرج اخونا خالد مماهو فيه

المشاركة الأصلية كتبت بواسطة فهد الخريم (المشاركة 729613) الله يبيض وجهك على القصيدة الجميلة والرائعة والجزلة والسامية شكراً لك

المشاركة الأصلية كتبت بواسطة بوراجس المشاوية (المشاركة 730916) بيض الله وجهك ياظافر وصح الله لسانك ملايين ولايستغرب هذا الوفاء منك ومن ربعك الوافين ونسال الله ان يخرج اخونا خالد مماهو فيه