مدح بغير اهله ندامه ومنقود=يستاهل الامداح من طالت ايديه
اللاش مايمدح ولاهوب مفقود=جعله افدا اللي بان وابعد مغازيه
احود من من مدح الردي ليه ماحود=مثل الطبع في الثوب ماش بيمحيه
فكري يشوقه فعل من فعله يكود=عوق الخصيم وسعد ربعه وعانيه
اللي نهار الضيق تلقاه ماجود=يظهر بوجهه والسعد في مباديه
مواقفه مع لابته مالها حدود=كم كايد بامر الله ان قام ينهيه
في الصلح له وقفه وعادات وجهود=بالجاه والحكمة وجهده مبديه
كريم ماهمه هل النقص والزود=هداج تيما اللي وروده تلاقيه
عدا رهيا دايم الدوم مارود=تلقى النشامي عند بابه تراعيه
ذاك الصييفي والمدح فيه مقصود=افخر بمدحه مثل من يفتخر فيه
يابوحمد طيبك مع الناس معدود=مع ربعك ولجناب بانت مواريه
لاكبرت الدعوا لها قد وقدود=تاقف لها ميقاف يعد قاصيه
والله كفو يابوحمد منبع الجود=ماقلتها مرائي ولالشي ابغيه
والله ثم والله ماليّ مقصود=يكون شي داخل القلب ببديه

المشاركة الأصلية كتبت بواسطة محمد راشد النتيفات (المشاركة 728558) صح السانك واعتلى شانك

المشاركة الأصلية كتبت بواسطة حبيب بن ناهض (المشاركة 728566) الشاعر القدير الأستاذ / شافي بن راشد ألف ألف ألف صح إلسااانك ياشافي قصيده شااامخه كـ شمووخ صاحبه عزالله إنك كفوووووو وعلمك غانم والشيخ ابن حمد الهواشلة يستاهل المدح ويستاهل كل علمآ غانم ,,,, تقديري واحترامي

المشاركة الأصلية كتبت بواسطة راشد المسعري (المشاركة 728633) ذاك الصييفي والمدح فيه مقصود..افخر بمدحه مثل من يفتخر فيه يابوحمد طيبك مع الناس معدود...مع ربعك ولجناب بانت مواريه ارحب يابو شالح وصح الله لسانك ملايين وبيض الله وجهك على القصيدة اللي في محلها وفي من يستاهلها انا أشهد إن ابو حمـــد كفو ووافي وعلومه طيبه ورجل يعمل ويبذل جهوده من أجل الخير ومن أجل وحدة وتكاتف أبناء العمومة بشكل عام وشهادتي فيه مجروحة ولك وله ولكل من يقرأ هذه القصيدة كل الود والتقدير ،،،

المشاركة الأصلية كتبت بواسطة نآصر البدراني (المشاركة 728685) ابو شالح والله انك شاعر جزل وشاعر وافي وقصيدك دايماً وافي بيض الله وجهك يا ابو شالح ولا خلا ولاعدم يستاهل الشيخ الصييفي بن حمد الهواشلة واهو اهلاً للمدح وعلومه طيبه ومشهوده ..